លោក Vo Van Thuong ប្រធានរដ្ឋវៀតណាម អញ្ជើញអុជធូប រំលឹគុណូបការៈស្តេច Hung ឆ្នាំ២០២៣

លោក Vo Van Thuong ប្រធានរដ្ឋ និងថ្នាក់ដឹកនាំ នៃបក្ស និងរដ្ឋ បានអញ្ជើញចូលរួមពិធីអុជធូបគោរពឧទ្ទិសវិញ្ញាណក្ខន្ធរំលឹកគុណូបការៈបណ្តាស្តេច Hung

តាងនាមប្រជាជនវៀតណាមជាង ៩០ លាននាក់ លោក Bui Van Quang ប្រធានគណៈកម្មាធិការប្រជាជនខេត្ត Phu Tho បានអានសង្កថាដើម្បីគោរពវិញ្ញាណក្ខន្ធស្ដេច Hung ដោយសម្តែងការដឹងគុណយ៉ាងជ្រាលជ្រៅចំពោះបណ្តាស្តេច Hung និងបុព្វបុរស ដែលបានរួមចំណែកក្នុងការកសាង និងការពារប្រទេសជាតិ។

លោក Vo Van Thuong ប្រធានរដ្ឋ និងប្រតិភូ អុជធូបគោរពវិញ្ញាណក្ខន្ធស្តេច Hung

លោក Bui Van Quang ប្រធានគណៈកម្មាធិការប្រជាជនខេត្ត Phu Tho បួងសួង៖ “សូមឧទ្ទិសដល់បុព្វបុរស ទ្រង់ប្រោសប្រទានពរជ័យដល់ទឹកដី សូមឲ្យប្រទេសជាតិមានសន្តិភាព ប្រជាជនមានសេចក្តីសុខសាន្ត។ ប្រទានពរជ័យរដូវអំណោយផល មនុស្សរស់នៅប្រកបដោយសុខដុមរមនា មានភាពរុងរឿង; ប្រទេសទាំងមូលបានឆ្លងកាត់ការលំបាក និងបញ្ហាប្រឈម ហើយសម្រេចបានជោគជ័យនូវគោលដៅ និងភារកិច្ចដែលបានកំណត់។ កូនចៅ   Lac Hong ទូទាំងប្រទេស អាណិកជនវៀតណាមនៅក្រៅប្រទេស តែងតែជួបសេចក្តីសុខចម្រុងចម្រើន”។

លោក Bui Van Quang ប្រធានគណៈកម្មាធិការប្រជាជនខេត្ត Phu Tho

ជនរួមជាតិមួយចំនួនធំក្នុងប្រទេស ព្រមទាំង​អាណិកជនវៀតណាមនៅក្រៅប្រទេស បានអុជធូបរំលឹកវិញ្ញាណក្ខន្ធស្តេច Hung និងចូលរួមសកម្មភាពវប្បធម៌ប្រពៃណី ដែលបានប្រារព្ធឡើងក្នុងឱកាសនេះផងដែរ៕

បកប្រែដោយ Thanh Cong