លោក Pham Minh Chinh នាយករដ្ឋមន្ត្រី អញ្ជើញទៅសួរសុខទុក្ខ និងជូនពរឆ្នាំថ្មីប្រពៃណីជាតិដល់ប្រភេទទ័ពរថក្រោះ រថពាសដែក

អញ្ជើញចូលរួមមានលោកនាយឧត្តមសេនីយ៍ Phan Van Giang រដ្ឋមន្ត្រីក្រសួងការពារប្រទេស និងថ្នាក់ដឹកនាំនៃអគ្គសេនាធិការដ្ឋាន និងអគ្គស្នងការដ្ឋាននយោបាយនៃកងទ័ពប្រជាជនវៀតណាមផងដែរ។

លោក Pham Minh Chinh អញ្ជើញទៅសួរសុខទុក្ខ និងជូនពរឆ្នាំថ្មីដល់ប្រភេទទ័ពរថក្រោះ រថពាសដែក

តាងនាមថ្នាក់ដឹកនាំបក្ស និងរដ្ឋ លោកនាយករដ្ឋមន្ត្រី បានកោតសរសើរចំពោះសមិទ្ធិផលដែលកម្មាភិបាលនិងយុទ្ធជននៃប្រភេទទ័ពរថក្រោះ រថពាសដែកសម្រេចបានក្នុងរយៈពេលប៉ុន្មានឆ្នាំកន្លងមកនេះ; ទន្ទឹមនឹងនោះ លោកមានបំណងចង់ឲ្យអង្គភាព​បន្តលើកកម្ពស់នូវប្រពៃណីវីរភាពនៃការកសាង និងប្រយុទ្ធ និងធំធាត់ដើម្បីបន្តរួមចំណែកឲ្យសក្តិសមជាមួយបុព្វហេតុកសាង និងការពារប្រទេសជាតិ។

លោក Pham Minh Chinh ប្រគល់អំណោយជូនប្រភេទទ័ពរថក្រោះ រថពាសដែកក្នុងឱកាសបុណ្យចូលឆ្នាំថ្មីប្រពៃណីជាតិ

លោកនាយឧត្តមសេនីយ៍ Phan Van Giang ប្រគល់អំណោយរបស់គណៈកម្មាធិការបក្សយោធាមជ្ឈិម និងក្រសួងការពារប្រទេសជូនប្រភេទទ័ពរថក្រោះ រថពាសដែកក្នុងឱកាសបុណ្យចូលឆ្នាំថ្មីប្រពៃណីជាតិ

លោកនាយករដ្ឋមន្ត្រី បានស្នើឲ្យអង្គភាពបន្តអនុវត្តឱ្យបានប្រសិទ្ធភាពនូវសេចក្តីសម្រេចចិត្តនៃមហាសន្និបាតជាតិលើកទី ១៣ របស់បក្ស និងសេចក្ដីសម្រេចចិត្ដរបស់គណៈកម្មាធិការមជ្ឈិម  យុទ្ធសាស្ត្រ គម្រោងយោធា និងការពារជាតិ ព្រមទាំងកសាងអង្គភាពកាន់តែខ្លាំងក្លា និងរឹងមាំ; លើកកម្ពស់គុណភាពហ្វឹកហ្វឺន ការត្រៀមប្រយុទ្ធ បំពេញតាមតម្រូវការភារកិច្ច។  លើសពីនេះទៀត អង្គភាពត្រូវផ្តោតលើការស្រាវជ្រាវលើរូបភាពសង្គ្រាម និងវិធីសាស្រ្តប្រយុទ្ធថ្មី រក្សាការត្រៀមប្រយុទ្ធយ៉ាងតឹងរឹង ពិនិត្យ កែសម្រួល បំពេញបន្ថែមផែនការប្រយុទ្ធនៅគ្រប់លំដាប់ថ្នាក់ ដោះស្រាយស្ថានការណ៍ឱ្យបានទាន់ពេល និងមានប្រសិទ្ធភាព កុំឱ្យស្ថានការណ៍កើតឡើងជាយថាហេតុ ឬ ភ្ញាក់ផ្អើលឡើយ។

លោក Pham Minh Chinh និងលោកនាយឧត្តមសេនីយ៍ Phan Van Giang និងគណៈប្រតិភូបានថតរូបអនុស្សាវរីយ៍ជាមួយកម្មាភិបាល និងយុទ្ធជននៃប្រភេទទ័ពរថក្រោះ រថពាសដែក

ក្នុងឱកាសបុណ្យចូលឆ្នាំថ្មីប្រពៃណីជាតិ ២០២៣ ខាងមុខនេះ លោក Pham Minh Chinh បានប្រគល់អំណោយ និងជូនពរឆ្នាំថ្មីដល់កម្មាភិបាលនិងយុទ្ធជន និងក្រុមគ្រួសារមានសុខភាពល្អ សុភមង្គល និងជោគជ័យគ្រប់ភារកិច្ច។ លោកនាយករដ្ឋមន្ត្រីជឿជាក់ថា ប្រភេទទ័ពរថក្រោះ រថពាសដែក និងកងកម្លាំងរថក្រោះ រថពាសដែកនឹងបន្តរួបរួមគ្នា និងសម្រេចបានជោគជ័យគ្រប់ភារកិច្ចដែលបានប្រគល់ជូន រួមចំណែកការពារយ៉ាងរឹងមាំនូវអធិបតេយ្យភាពដ៏ពិសិដ្ឋនៃមាតុភូមិ៕

បកប្រែដោយ Pham Diep