អនុប្រធានាធិបតីអាមេរិក លោកស្រី Kamala Harris នឹងបំពេញទស្សនកិច្ចនៅវៀតណាម
យោងតាមសេចក្តីប្រកាសពីសេតវិមាន កាលពីថ្ងៃទី ៣០ ខែកក្កដា ដែលបានដកស្រង់ប្រសាសន៍របស់ លោកស្រី Symone Sanders នាយិការប្រព័ន្ធផ្សព្វផ្សាយរបស់អនុប្រធានាធិបតីអាមេរិក លោកស្រី Kamala Harris ដែលថា លោកស្រីអនុប្រធានាធិបតីនឹងអញ្ជើញបំពេញទស្សនកិច្ចនៅសិង្ហបុរី និងវៀតណាមនៅខែសីហាខាងមុខ។
នេះគឺជាដំណើរទស្សនកិច្ចនៅបរទេសលើកទី២ របស់លោកស្រី Kamala Harris ក្នុងនាមជាអនុប្រធានាធិបតីអាមេរិក ហើយជាលើកដំបូងនៅតំបន់មហាសមុទ្រឥណ្ឌា -ប៉ាស៊ីហ្វិក។
|
|
អនុប្រធានាធិបតីអាមេរិក លោកស្រី Kamala Harris (រូបថត៖ CNN) |
លោកស្រី Sanders បានលើកច្បាស់ថា ប្រធានាធិបតីអាមេរិក លោក Joe Biden និងអនុប្រធានាធិបតី លោកស្រី Harris បានផ្ដល់អាទិភាពចម្បងទៅលើការកសាងទំនាក់ទំនងភាពជាដៃគូសកលឡើងវិញ និងថែរក្សាសន្តិសុខជាតិរបស់សហរដ្ឋអាមេរិក។ ដំណើរទស្សនកិច្ចនាពេលខាងមុខរបស់អនុប្រធានាធិបតី លោកស្រី Kamala Harris សំដៅធ្វើឲ្យស៊ីជម្រៅថែមទៀតនូវការសន្យារបស់សហរដ្ឋអាមេរិកនៅតំបន់ អាស៊ីអាគ្នេយ៍។
អនុប្រធានាធិបតីលោកស្រី Harris នឹងជាអនុប្រធានាធិបតីអាមេរិកដើមដំបូង ដែលធ្វើទស្សនកិច្ចនៅវៀតណាមតាំងពីមុនមក។ តាមផែនការ នៅក្នុងដំណើរទស្សនកិច្ចនេះ លោកស្រី Harris នឹងមានជំនួបជាមួយថ្នាក់ដឹកនាំវៀតណាម និងសិង្ហបុរីដើម្បីពិភាក្សាអំពីសន្តិសុខតំបន់ ជំងឺរាតត្បាតកូវីដ ១៩ និងការប្រែប្រួលអាកាសធាតុផងដែរ៕
តាម vovworld.vn