វៀតណាមដើរតួនាទីយ៉ាងសំខាន់ ក្នុងការជំរុញទំនាក់ទំនងសហប្រតិបត្តិការ អាស៊ី-អឺរូប
កប.អនឡាញ - នៅក្នុងអត្ថបទថ្មីៗមួយដែលត្រូវបានចុះផ្សាយនៅលើគេហទំព័រ infox.ru លោក Grigory Trofimchuk អ្នកជំនាញការខាងគោលនយោបាយការបរទេស ការពារជាតិ និងសន្តិសុខ ប្រធានក្រុមប្រឹក្សាអ្នកជំនាញការនៃមូលនិធិស្រាវជ្រាវវិទ្យាសាស្ត្រ "គំនិតអាស៊ី - អឺរូប" បានវាយតម្លៃខ្ពស់ចំពោះតួនាទីរបស់វៀតណាម ក្នុងការពង្រីកទំនាក់ទំនងសហប្រតិបត្តិការរវាងសហភាពសេដ្ឋកិច្ចអាស៊ី - អឺរូប (EAEU) និងបណ្តាប្រទេសនៅអាស៊ីអាគ្នេយ៍។
ជាប្រទេសឈានមុខគេមួយនៅក្នុងអាស៊ាន វៀតណាមកំពុងពង្រឹងកិត្យានុភាពរបស់ខ្លួនដោយសូចនាករសេដ្ឋកិច្ច។ ក្នុងបរិបទការរីករាលដាលនៃជំងឺរាតត្បាត Covid-19 ប៉ុន្តែផលិតផលក្នុងស្រុកសរុប (GDP) របស់វៀតណាមនៅតែសម្រេចបាន ២.៩១% នៅឆ្នាំ ២០២០។ លោក Trofimchuk បានមានប្រសាសន៍ថា បរិយាកាសវិនិយោគមានស្ថិរភាព និងសុវត្ថិភាពត្រូវបានធានាដោយរដ្ឋាភិបាលវៀតណាមនោះ ជាមូលដ្ឋានគ្រឹះគួរឱ្យទុកចិត្តបំផុត សម្រាប់ការអនុវត្តសកម្មភាពសេដ្ឋកិច្ចខ្នាតធំ និងយូអង្វែង។
លោក Trofimchuk បានអះអាងថា ជោគជ័យក្នុងកិច្ចសហប្រតិបត្តិការសេដ្ឋកិច្ច និងពាណិជ្ជកម្មរវាងវៀតណាមនិង EAEU កំពុងជំរុញប្រទេសសមាជិកអាស៊ានដទៃទៀត ឱ្យចូលរួមយ៉ាងសកម្មក្នុងដំណើរការធ្វើសមាហរណកម្មក្នុងទំនាក់ទំនងសហប្រតិបត្តិការ អាស៊ី-អឺរូប៕
បកប្រែដោយ Huyen Trang