វៀតណាមសម្រេចបានសមិទ្ធផលសំខាន់ជាច្រើនក្រោយរយៈពេល ៥ ឆ្នាំអនុវត្តសេចក្ដីសម្រេចចិត្តនៃមហាសន្និបាតលើកទី១២
នេះជាមតិរបស់លោក Tran Ba Phuc សមាជិកគណៈកម្មាធិការមជ្ឈិមរណសិរ្សមាតុភូមិវៀតណាម ប្រធានសមាគមន៍ធុរជនវៀតណាមនៅអូស្ត្រាលី។
លោក Tran Ba Phuc បានសម្ដែងនូវជំនឿជាក់និងមោទនភាពដ៏ធំធេង ដោយសារមិនធ្លាប់មានពេលណាដែលលិខិតឆ្លងដែនវៀតណាមមានតម្លៃ និងអត្ថន័យដ៏ធំធេង ចំពោះប្រជាពលរដ្ឋវៀតណាមនៅឯបរទេសដូចបច្ចុប្បន្ននេះទេ។
ស្ដីពីបំណងប្រាថ្នារបស់បងប្អូនអាណិកជនវៀតណាមនៅអូស្ត្រាលី ចំពោះមហាសន្និបាតបក្សលើកនេះ លោក Tran Ba Phuc បានឲ្យដឹងថា បងប្អូនអាណិកជនវៀតណាមនៅអូស្ត្រាលីជឿជាក់ថា មហាសន្និបាតបក្សនាពេលខាងមុខនឹងជ្រើសរើសយ៉ាងត្រឹមត្រូវថ្នាក់ដឹកនាំដែលមានទាំងគុណធម៌ និងទេពកោសល្យដើម្បីដឹកនាំប្រទេសជាតិឲ្យកាន់តែរីកចម្រើនថែមទៀត។
លោក Tran Ba Phuc ក៏មានបំណងថា បក្សនិងរដ្ឋ នឹងបន្តបញ្ជាដឹកនាំ ហើយជំរុញការអនុវត្តសេចក្ដីសម្រេចចិត្តទទួលស្គាល់តួនាទីនៃវិស័យសេដ្ឋកិច្ចឯកជន សំដៅមានការវាយតម្លៃនិងជួយទ្រទ្រង់យ៉ាងសក្តិសមចំពោះវិស័យសេដ្ឋកិច្ចនេះ ចូលរួមចំណែកដ៏សំខាន់ក្នុងការអភិវឌ្ឍប្រទេសជាតិផងដែរ៕
តាម vovworld.vn