ឯកអគ្គរដ្ឋទូតអង់គ្លេសបានថ្លែងអំណរគុណចំពោះក្រុមគ្រូពេទ្យវៀតណាមដែលបានខិតខំព្យាបាលជម្ងឺឲ្យអ្នកជំងឺលេខ ៩១
កប.អនឡាញ - នាថ្ងៃទី ២៦ មិថុនា ឯកអគ្គរដ្ឋទូតអង់គ្លេសប្រចាំនៅវៀតណាម លោក Gareth Ward និងលោក Ian Gibbons អគ្គកុងស៊ុលអង់គ្លេស រួមជាមួយតំណាងមន្ទីរកិច្ចការបរទេសទីក្រុងហូជីមិញបានអញ្ជើញមកសួរសុខទុក្ខនៅមន្ទីរពេទ្យជំងឺត្រូពិកទីក្រុងហូជីមិញ។
|
|
លោកវេជ្ជបណ្ឌិត Nguyen Van Vinh Chau នាយកមន្ទីរពេទ្យជំងឺត្រូពិកទីក្រុងហូជីមិញ (ឆ្វេង) ជាមួយឯកអគ្គរដ្ឋទូតអង់គ្លេសប្រចាំនៅវៀតណាម (កណ្ដាល) ក្នុងទស្សនកិច្ចទៅសួរសុខទុក្ខនៅមន្ទីរពេទ្យ (រូបថត៖ មន្ទីរពេទ្យជំងឺត្រូពិកទីក្រុងហូជីមិញ) |
ក្នុងជំនួបនេះ ឯកអគ្គរដ្ឋទូតអង់គ្លេសប្រចាំនៅប្រទេសវៀតណាមបានថ្លែងអំណរគុណចំពោះក្រុមគ្រូពេទ្យនៃមន្ទីរពេទ្យជំងឺត្រូពិតទីក្រុងហូជីមិញដោយបានខិតខំអស់ពីកម្លាំងកាយចិត្តថែទាំ និងព្យាបាលជម្ងឺកូវីដ-១៩ ឲ្យអ្នកជំ ងឺ លេខ ៩១ ជាអ្នកបើកយន្តហោះជនជាតិអង់គ្លេស នាពេលកន្លងមក។
លោកឯកអគ្គរដ្ឋទូត Gareth Ward បានបញ្ជាក់ថា លោកជឿជាក់យ៉ាងមុតមាំលើជំនាញ និងក្រមសីលធម៌របស់វេជ្ជបណ្ឌិតនៃមន្ទីរពេទ្យជំងឺត្រូពិកទីក្រុងហូជីមិញ។ នេះគឺជាមន្ទីរពេទ្យមួយក្នុងចំណោមមន្ទីរពេទ្យនៅជួរមុខក្នុងការប្រយុទ្ធប្រឆាំងនឹងជំងឺកូវីដ-១៩ នៅប្រទេសវៀតណាម។
បច្ចុប្បន្ននេះ អ្នកបើកយន្តហោះជនជាតិអង់គ្លេសដែលឆ្លងជំងឺកូវីដ-១៩ បានឆ្លងកាត់រយៈពេលព្យាបាលជាង ១០០ ថ្ងៃហើយ។ អ្នកជំងឺអាចដើរដោយខ្លួនឯងបានហើយ ឥឡូវកំពុងត្រូវបានវាយតម្លៃលើលក្ខណៈវិនិច្ឆ័យសុវត្ថិភាពនានាដើម្បីធានាថាអាចចេញពីពេទ្យបាន៕
បកប្រែដោយ Duy Hoan