បក្សកុម្មុយនិស្តវៀតណាម និងគណបក្សកុម្មុយនីស្តក្រិកបង្កើនកិច្ចសហប្រតិបត្តិការ
កប.អនឡាញ - ក្នុងក្របខ័ណ្ឌនៃដំណើរទស្សនកិច្ចការងារនៅប្រទេសក្រិករបស់គណៈប្រតិភូបក្សកុម្មុយនិស្តវៀតណាម នៅថ្ងៃទី ១៨ ខែកញ្ញា លោក Nguyen Van Binh សមាជិកការិយាល័យនយោបាយ លេខាមជ្ឈិមបក្ស និងជាប្រធានគណៈសេដ្ឋកិច្ចមជ្ឈិម និងគណៈប្រតិភូបក្សកុម្មុយនិស្តវៀតណាម បានជួបធ្វើការជាមួយអគ្គលេខាគណបក្សកុម្មុយនិស្តក្រិក លោក Dimitris Koutsoupas និងថ្នាក់ដឹកនាំគណបក្សកុម្មុយនិស្តក្រិក។
នៅក្នុងជំនួបធ្វើការជាមួយអគ្គលេខាបក្ស លោក Dimitris Koutsoupas លោក Nguyen Van Binh បានអះអាងអំពីគោលការណ៍របស់បក្សកុម្មុយនិស្តវៀតណាមក្នុងការរក្សា និងជំរុញទំនាក់ទំនងមិត្តភាពជាប្រពៃណីរវាងបក្សទាំងពីរ ហើយវាយតំលៃខ្ពស់ចំពោះការជួយគាំទ្ររបស់ប្រទេសក្រិកក្នុងការរៀបចំប្រកបដោយជោគជ័យនូវជំនួបរវាងបណ្តាគណបក្សកុម្មុយនិស្ត និងកម្មករអន្តរជាតិលើកទី ១៨ នៅប្រទេសវៀតណាម នាខែតុលាឆ្នាំ ២០១៦។
លោក Nguyen Van Binh ក៏បានជូនដំណឹងដល់ភាគីមិត្តអំពីសកម្មភាពដែលគំរាមកំហែងដល់សន្តិភាព ស្ថិរភាព សន្តិសុខ សុវត្ថិភាពនាវាចរណ៍ និងអាកាសចរណ៍នៅសមុទ្រខាងកើតនាពេលថ្មីៗនេះ ដោយស្នើឱ្យគណបក្សកុម្មុយនិស្តក្រិកលើកកម្ពស់តួនាទី និងឥទ្ធិពលរបស់ខ្លួនដើម្បីដាក់ញត្តិទៅរដ្ឋាភិបាលក្រិក និងបណ្តាប្រទេសអ៊ឺរ៉ុបឲ្យគាំទ្រជំហររបស់វៀតណាមក្នុងការដោះស្រាយជម្លោះដោយសន្តិវិធី មិនប្រើកម្លាំង ឬការគំរាមកំហែងប្រើកម្លាំង ស្របតាមច្បាប់អន្តរជាតិ រួមទាំងអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ ។
|
|
លោក Nguyen Van Binh ជួបពិភាក្សាការងារជាមួយលោកអគ្គលេខា Dimitris Koutsoupas (រូបថត៖ baotintuc.vn) |
លោកអគ្គលេខា Dimitris Koutsoupas បានបញ្ជាក់ពីការប្តេជ្ញាចិត្តខ្ពស់ក្នុងការជំរុញទំនាក់ទំនងរវាងបក្សទាំងពីរ រដ្ឋទាំងពីរ និងប្រជាជននៃប្រទេសទាំងពីរ។ លោក Dimitris Koutsoupas បានអះអាងជាថ្មីនូវការគាំទ្រចំពោះជំហររបស់វៀតណាមក្នុងការដោះស្រាយបញ្ហាសមុទ្រខាងកើត។
តាមការគ្រោងទុក បន្ទាប់ពីដំណើរទស្សនកិច្ចនៅប្រទេសក្រិក គណៈប្រតិភូនឹងបន្តធ្វើទស្សនកិច្ចការងារនៅប្រទេសព័រទុយហ្កាល់ អេស្ប៉ាញ និង បែលហ្ស៊ិក៕
បកប្រែដោយ Duy Hoan