សន្និបាតលើកទី ១០ នៃគណៈកម្មាធិការមជ្ឈិមបក្សកុម្មុយនិស្ដវៀតណាមនីតិកាលទី១២ បានបិទបញ្ចប់ប្រកបដោយជោគជ័យ
កប.អនឡាញ - នាព្រឹកថ្ងៃទី ១៨ ឧសភា សន្និបាតលើកទី ១០ នៃគណៈកម្មាធិការមជ្ឈិមបក្សកុម្មុយនិស្ដវៀតណាមបានបិទសម័យប្រជុំ។ អគ្គលេខាបក្ស និងជាប្រធានរដ្ឋវៀតណាមលោក Nguyen Phu Trong អញ្ជើញជាអធិបតីភាព និងថ្លែងសុន្ទរកថាបិទបញ្ចប់សន្និបាត។
ប្រធានរដ្ឋសភាវៀតណាមលោកស្រី Nguyen Thi Kim Ngan តាងនាមឱ្យការិយាល័យនយោបាយបានដឹកនាំសម័យប្រជុំនេះ។
    |
 |
|
អគ្គលេខាបក្ស និងជាប្រធានរដ្ឋវៀតណាមលោក Nguyen Phu Trong អញ្ជើញជាអធិបតីភាពនិងថ្លែងសុន្ទរកថាបិទបញ្ចប់សន្និបាត (រូបថត៖ vnanet.vn) |
នាយករដ្ឋមន្ដ្រីវៀតណាម លោក Nguyen Xuan Phuc តាងនាមឲ្យការិយាល័យនយោបាយបានថ្លែងរបាយការណ៍សង្ខេបស្តីពីការទទួលយោបល់និងបំភ្លឺមតិយោបល់របស់គណៈកម្មាធិការមជ្ឈិមបក្សស្តីពីសេចក្តីព្រាងនៃឯកសារទាំងឡាយដើម្បីដាក់ជូនមហាសន្និបាតបក្សលើកទី ១៣។ គណៈកម្មាធិការមជ្ឈិមបក្សបានអនុម័តលើសេចក្ដីសម្រេចចិត្ដនៃសន្និបាតលើកទី១០ នៃគណៈកម្មាធិការមជ្ឈិមបក្សកុម្មុយនិស្ដ វៀតណាម៕
បកប្រែដោយ Pham Diep