ប្រគល់គ្រឿងឥស្សរិយយសមិត្ដភាពជូននាយិកាអង្គការ War Legacies Project
កប.អនឡាញ - នាព្រឹកថ្ងៃទី១៦ ខែមេសា នៅទីក្រុងហាណូយ ដោយមានការប្រទានសិទ្ធពីលោកប្រធានរដ្ឋនៃសាធារណរដ្ឋសង្គមនិយមវៀតណាម សម្ព័ន្ធបណ្ដាអង្គការមិត្ដភាពវៀតណាមបានប្រារព្ធពិធីប្រគល់គ្រឿងឥស្សរិយយសមិត្ដភាពជូនលោកស្រី Susan Hammond ជាស្ថាបនិក និងជានាយិកាអង្គការក្រៅរដ្ឋាភិបាល War Legacies Project (គម្រោងដោះស្រាយផលវិបាកដោយសារសង្គ្រាម -WLP) នៅវៀតណាម។
|
|
ប្រគល់គ្រឿងឥស្សរិយយសមិត្ដភាពជូននាយិកាអង្គការ War Legacies Project |
ថ្លែងក្នុងពិធីនេះ ប្រធានសម្ព័ន្ធបណ្ដាអង្គការមិត្ដភាពវៀតណាមលោកស្រី Nguyen Phuong Nga បានឱ្យដឹងថា ក្នុងរយៈពេល២០ ឆ្នាំកន្លងមក លោកស្រី Susan Hammond បានខិតខំប្រឹងប្រែងអស់ពីកម្លាំងកាយចិត្ដដើម្បីជួយឧបត្ថម្ភជនរងគ្រោះដោយជាតិគីមីពុល (dioxin) នៅវៀតណាម។
ដោយទទួលស្គាល់នូវការរួមវិភាគទានដ៏ធំធេងរបស់លោកស្រី Susan Hammond ក្នុងការបង្កើនចំណងសាមគ្គីភាព មិត្តភាព និងកិច្ចសហប្រតិបត្តិការរវាងវៀតណាម និងអាមេរិក ប្រធានរដ្ឋនៃសាធារណរដ្ឋសង្គមនិយមវៀតណាមបានសំរេចប្រគល់គ្រឿងឥស្សរិយយសមិត្ដភាពជូនលោកស្រី Susan Hammond ។
លោកស្រី Susan Hammond បានសំដែងនូវគិត្តិយសដោយទទួលបានរង្វាន់ដ៏ថ្លៃថ្នូនេះ ព្រមទាំងសង្ឃឹមថា នៅក្នុងពេលខាងមុខនេះលោកស្រីនឹងបន្តសហការជាមួយភាគីវៀតណាមដើម្បីដោះស្រាយផលវិបាកនៃសង្គ្រាមប្រកបដោយប្រសិទ្ធភាព៕
បកប្រែដោយ Pham Diep