ក្រុមបាល់ទាត់ជម្រើសជាតិវៀតណាមឈ្នះពានរង្វាន់ AFF Suzuki Cup 2018
កប.អនឡាញ - កាលពីយប់ថ្ងៃទី ១៥ ខែធ្នូ វគ្គផ្តាច់ព្រ័ត្រជើងទី២ AFF Suzuki Cup 2018 រវាងក្រុមបាល់ទាត់ជម្រើសជាតិវៀតណាម និងក្រុមបាល់ទាត់ជម្រើសជាតិម៉ាឡេស៊ី បានប្រព្រឹត្តធ្វើឡើងនៅពហុកីឡដ្ឋានជាតិ My Dinh ទីក្រុងហាណូយ នៃប្រទេសវៀតណាម។ ក្រុមបាល់ទាត់ជម្រើសជាតិវៀតណាមបានឈ្នះពានរង្វាន់ AFF Suzuki Cup 2018 បន្ទាប់ពីទទួលបានជ័យជម្នះលើក្រុមបាល់ទាត់ជម្រើសជាតិម៉ាឡេស៊ីនៅក្នុងវគ្គផ្តាច់ព្រ័ត្រជើងទី២ដោយលទ្ធផល ១-០ (សរុបទាំងពីរជើងវៀតណាមឈ្នះ ៣-២)។
នៅក្នុងការប្រកួតជើងទី២នេះ វៀតណាមប្រើពេលតែ ៦ នាទីប៉ុណ្ណោះនៃតង់ទី១ ដើម្បីបំប៉ោងសំណាញ់ទីរបស់ម៉ាឡេស៊ីដោយសារការទាត់បាល់ធ្លាក់មិនទាន់ដល់ដី(វ៉ូឡី)ពីសំណាក់កីឡាករ Anh Duc ដើម្បីនាំមុខ ១-០។ បន្ទាប់ពីគ្រាប់បាល់បានកើតមានឡើងនៅតង់ទី១ ប៉ុន្តែបន្ទាប់មកគ្មានគ្រាប់បាល់កើតមានទៀតឡើយរាប់បញ្ចូលនៅតង់ទី២ បើទោះជាម៉ាឡេស៊ីព្យាយាមវាយសម្រុកខ្លាំង ហើយម្ចាស់ផ្ទះវៀតណាមការពារវាយបកក៏ដោយ។ សរុបទាំងពីរជើងវៀតណាមឈ្នះ ៣-២ ដោយសារកាលជើងទី១នៅទឹកដីម៉ាឡេស៊ីស្មើគ្នា ២-២។
នេះជាប្រវត្តិសាស្ត្រលើកទី២ដែលវៀតណាមឈ្នះជើងឯកពានរង្វាន់ AFF Suzuki Cup បន្ទាប់ពីឈ្នះលើកទី១កាលពីឆ្នាំ២០០៨៕
បកប្រែដោយ Duy Hoan