ការប្រកួតតេនីសក្នុងឱកាសរំលឹកខួបអនុស្សាវរីយ៍ថ្ងៃ ២២ ធ្នូ
កប.អនឡាញ - កាលពីថ្ងៃទី ៩ ធ្នូ នៅក្រុងហាណូយ អគ្គសេនាធិការដ្ឋានបានរៀបចំការប្រកួតតេនីសជាមិត្ដភាពក្នុងឱកាសរំលឹកខួបអនុស្សាវរីយ៍លើកទី ៧៣ នៃថ្ងៃបង្កើតកងទ័ពប្រជាជន វៀតណាម ( ២២ ធ្នូ ឆ្នាំ១៩៤៤/ ២២ ធ្នូ ឆ្នាំ២០១៧) និងខួបទី ២៨ ទិវាការពារជាតិប្រជាជនទាំងមូល( ២២ ធ្នូ ឆ្នាំ១៩៨៩/ ២២ ធ្នូ ឆ្នាំ២០១៧)។
ការប្រកួតនេះមានការចូលរួមពីកីឡាករចំនួន ៣០ នាក់ មកពីខុទ្ទកាល័យរដ្ឋាភិបាល ក្រសួងកិច្ចការផ្ទៃក្នុង អគ្គសេនាធិការដ្ឋាន ក្រសួងគមនាគមន៍និងដឹកជញ្ជូន ខេត្ដ Ha Tinh និងខេត្ដ Bac Can ផងដែរ។
ឆ្លងកាត់ ១៥ ប្រកួតយ៉ាងផុសផុល ក្នុងវិញ្ញាសារប្រកួតជាគូ លោកឧត្ដមសេនីយ៍ឯក Phan Van Giang ប្រធានអគ្គសេនាធិការនិងជាអនុរដ្ឋមន្ដ្រីក្រសួងការពារប្រទេសវៀតណាម និងលោកវរសេនីយ៍ទោ Bui Xuan Ha ទទួលបានរង្វាន់លេខ ១; លោក Mai Tien Dung រដ្ឋមន្ដ្រីនិងជាប្រធានខុទ្ធកាល័យរដ្ឋាភិបាល និងលោក Ngo Quoc Doanh ទទួលបានរង្វាន់លេខ២; ចំណែកកីឡាករពីរគូដែលមកពីក្រសួងគមនាគមន៍ និងដឹកជញ្ជូន និងធនាគាកសិកម្ម និងអភិវឌ្ឍន៍ជនបទទទួលបានរង្វាន់លេខ ៣ ផងដែរ៕
បកប្រែដោយ Pham Diep