បើកការប្រកួតកីឡាក្នុងកងទ័ពទាំងមូល
កប.អនឡាញ - នាព្រឹកថ្ងៃទី ១៣ វិច្ឆិកា នៅមជ្ឈមណ្ឌលហ្វឹកហ្វឺនជាតិ Mieu Mon អគ្គសេនាធិការដ្ឋានបានបើកការប្រកួតកីឡាក្នុងក្របខណ្ឌកងទ័ពទាំងមូលឆ្នាំ២០១៧ ដំណាក់កាល់ទី ១។ លោកឧត្ដមសេនីយ៍ទោ Pham Hong Huong អនុប្រធានអគ្គសេនាធិការកងទ័ពប្រជាជនវៀតណាមនិងជាប្រធានគណៈកម្មការចាត់តាំងអញ្ជើញជាអធិតីក្នុងពិធីបើកការប្រកួតនេះ។
ក្នុងការប្រកួតកីឡាក្នុងកងទ័ពទាំងមូលឆ្នាំ២០១៧ លើកនេះ កីឡាករចំនួន ១,៥០០ នាក់មកពី ៤៧ ស្ថាប័ន និងអង្គភាពក្នុងកងទ័ពទាំងមូលនឹងចូលរួមការប្រកួតលើវិញ្ញាសារទាំង១០។ ពីថ្ងៃទី ១៣ ដល់ថ្ងៃទី ២៧ ខែវិច្ឆិកា កីឡាករនឹងចូលរួមការប្រកួតវាយសី ពីងប៉ុង តិន្នីស និងបាល់ទះ។ ការប្រកួតកីឡាលើកនេះ គឺសំដៅលើកទឹកចិត្ដកម្មាភិបាល យុទ្ធជនព្យាយាមលត់ដំខ្លួនលើកកម្ពស់សុខភាព និងបំពេញការងារឲ្យបានល្អ។
រូបថត ឧទាហរណ៍ (រូបថត៖ TTH)
ថ្លែងមតិក្នុងពិធីនេះ លោកឧត្ដមសេនីយ៍ទោ Pham Hong Huong សង្កត់ធ្ងន់ថា ក្នុងប៉ុន្មានឆ្នាំកន្លងមក វិស័យកីឡាក្នុងកងទ័ពទាំងមូលតែងតែដើរទន្ទឹមនឹងការអភិវឌ្ឍរបស់វិស័យកីឡានៅទូទាំងប្រទេស។ ក្នុងនោះកីឡាករជាច្រើនក្នុងកងទ័ពបានដណ្ដើមយកមេដាយសម្រាប់ផ្នែកកីឡាវៀតណាមលើការប្រកួតក្នុងតំបន់ និងនៅលើពិភពលោក។ ក្រៅពីការវិនិយោគលើវិស័យកីឡា ការហ្វឹកហាត់កម្លាំងកាយនៅឯអង្គភាពតែងតែទទួលបានការយកចិត្ដទុកដាក់ ការបញ្ជាណែនាំជាប្រចាំពីសំណាក់ថ្នាក់ដឹកនាំគ្រប់ជាន់ថ្នាក់។ ដើម្បីត្រៀមឲ្យការប្រកួតកីឡាលើកនេះ ក្នុងពេលកន្លងមក អង្គភាពទាំងឡាយបានរៀបចំការប្រកួតកីឡានៅគ្រប់ជាន់ថ្នាក់ និងបានជ្រើសរើសកីឡាករឆ្នើមឲ្យទៅចូលរួមការប្រកួតកីឡាក្នុងកងទ័ពទាំងមូល។ កងកម្លាំងដែលចូលរួមការប្រកួតកីឡាគួរតែប្រកាន់ខ្ជាប់នូវស្មារតីទទួលខុសត្រូវភាពស្មោះត្រង់ភាពថ្លៃថ្នូរ ប្តេជ្ញាឈ្នៈដើម្បីទទួលឲ្យបាននូវលទ្ធផលខ្ពស់រួមចំណែកក្នុងភាពជោគជ័យរបស់ការប្រកួតលើកនេះ៕
បកប្រែដោយ Thanh Cong