មហោស្រពភាពយន្តវៀតណាម - កូរ៉េខាងត្បូង ២០១៧
កប.អនឡាញ - ខ្សែភាពយន្តរបស់កូរ៉េខាងត្បូងចំនួន ៨ និងភាពយន្ដវៀតណាមចំនួន ៤ រួមមានភាពយន្ដ "អ្នកស្រីសាយហ្គន" "ប្រុសស្អាតបះបោរ ២" "ផ្ទះឮសំលេងភ្លៀង" "ចោរលួច" បានចូលរួមមហោស្រពភាពយន្តវៀតណាម - កូរ៉េខាងត្បូង ២០១៧ នៅរោងភាពយន្ត BHD Star Bitexco ទីក្រុងហូជិមីញ។
មហោស្រពភាពយន្តវៀតណាម - កូរ៉េខាងត្បូង ២០១៧ (រូបថត៖cosmolife.vn)
ក្នុងឱកាសនេះ ទស្សនិកជនបានទទួលសំបុត្រភាពយន្តដោយឥតគិតថ្លៃនៅក្នុងរោងភាពយន្ត ហើយភាពយន្តកូរ៉េខាងត្បូងត្រូវបានចាក់ផ្សាយ ២ដង/ថ្ងៃ រីឯភាពយន្តវៀតណាមត្រូវបានចាក់ផ្សាយ ៨ដង/ថ្ងៃ។ ក្រៅពីនេះ នៅតែមានសកម្មភាពជាច្រើនដូចជាការជួបសំណេះសំណាលជាមួយអ្នកដឹកនាំរឿង និងតួសំដែងទាំងឡាយផងដែរ។ មហោស្រពភាពយន្ដនេះ នឹងបញ្ចប់នៅថ្ងៃទី ២២ ខែវិច្ឆិកា៕
បកប្រែដោយ Van Hoa