គោលដៅដែលទាក់ទាញអារម្មណ៍ភ្ញៀវទេសចរអន្ដរជាតិច្រើនបំផុត
កប.អនឡាញ - ឈូងសមុទ្រ Ha Long ត្រូវបានទទួលស្គាល់ជាបេតិកភណ្ឌពិភពលោក ដោយអង្គការយូណេស្កូនៅឆ្នាំ ១៩៩៤។ ក្រៅពីឈូងសមុទ្រ Ha Long អ្នកអាចទៅទស្សនាគយគន់ឈូងសមុទ្រ Lan Ha ដែលស្ថិតនៅភាគខាងត្បូងនៃឈូងសមុទ្រ Ha Long ជាដើម។
ជិះកប៉ាល់ទេសចរណ៍ទៅទស្សនាឈូងសមុទ្រ Lan Ha៖
ឈូងសមុទ្រ Lan Ha មានទេសភាពដ៏ស្រស់ស្អាតអស្ចា្យដោយឆ្នេរខ្សាច់ស និងភូមិនេសាទអណ្ដែត។
ស្វែងយល់ខេត្ដ Ha Giang៖
ខេត្ដ Ha Giang គឺជាខេត្ដមួយមានទេសភាពដ៏ស្រស់ស្អាតដោយមានកំពូលភ្នំ និងវាលស្រែមើលទៅហាក់បីដូចជាកាំជណ្ដើររៀបជាថ្នាក់ៗ ដែលទាក់ទាញភ្ញៀវទេសចរជាតិនិងអន្ដរជាតិជាច្រើនកុះករ។
ស្វែងយល់ពីជីវភាពរស់នៅរបស់ជនជាតិភាគតិចវៀតណាម៖
ប្រទេសវៀតណាមមានជនជាតិចំនួន ៥៤។ ភ្ញៀវទេសចរអន្តរជាតិនឹងមានឱកាសស្វែងយល់អំពីជីវភាពរស់នៅរបស់ជនជាតិភាគតិច។ ប្រសិនបើអ្នកមិនអាចស្វែងយល់ដោយផ្ទាល់ អ្នកអាចទៅកាន់សារមន្ទីរជាតិវិទ្យានៅទីក្រុងហាណូយដើម្បីស្វែងយល់បន្ថែមអំពីបេតិកភ័ណ្ឌវប្បធម៌ និងវត្ថុបុរាណរាប់ពាន់ទៀតផង។
ស្វែងយល់សួនឧឡានជាតិ Phong Nha និងល្អាងភ្នំ Son Doong៖
គោលដៅមួយក្នុងចំណោមគោលដៅទេសចរណ៍ដែលអ្នកមិនអាចរំលងចោលគឺសួនឧទ្យាន Phong Nha Ke Bang នៅខេត្ដ Quang Binh វៀតណាម។ សួនឧទ្យាន Phong Nha Ke Bang មានផ្ទៃដីជាង ២០០,០០០ហិកតា ដោយមានល្អាងភ្នំដ៏ល្បីឈ្មោះនិងមានប្រព័ន្ធស្ទឹងនិងថ្មកំបោរដ៏សម្បូរបែប។ លើសពីនេះទៀតអ្នកទេសចរអាចទៅមើលល្អាងភ្នំ Son Doong ដែលជាល្អាងភ្នំធំបំផុតនៅលើពិភពលោក។
ពិសារកាហ្វេ៖
វៀតណាមជាប្រទេសផលិតកាហ្វេលំដាប់ទី ២ នៅលើពិភពលោក។ គេទាំងឡាយអង្គុយញ៉ាំកាហ្វេទាំងថ្ងៃ ឬ ទាំងយប់។ កាហ្វេវៀតណាមមានរសជាតិឈ្ងុយឆ្ងាញ់ អ្នកអាចពិសារកាហ្វេលាយពងនៅហាងកាហ្វេ ជុំវិញបឹង Hoan Kiem៕
បកប្រែដោយ Pham Diep