ដំណើរកំសាន្តយ៉ាងវិសេសវិសាលដែលមានតែនៅប្រទេសវៀតណាមប៉ុណ្ណោះ
កប.អនឡាញ - ចែវទូក មើលត្រីរ៉សហោះ និងដើរនៅបាតសមុទ្រជាដំណើរកំសាន្តយ៉ាងវិសេសវិសាលដែលមានតែនៅប្រទេសវៀតណាមប៉ុណ្ណោះ
ចែវទូកកញ្ជើនៅទីក្រុង Hoi An (ភាគកណ្កាលប្រទេសវៀតណាម)
មកដល់តំបន់អេកូទេសចរណ៍ Bay Mau នៅទីក្រុង Hoi An អ្នកទេសចរនឹងមានឱកាសបានចែវទូកដោយខ្លួនឯងដើម្បីទៅរកចាប់ក្តាម ត្រី ដូចជាអ្នកស្រុកដែរ។
មើលត្រីរ៉សហោះនៅទីក្រុង Can Tho (ភាគខាងត្បូងប្រទេសវៀតណាម)
ជាទីកន្លែងដែលល្បីឈ្មោះដោយមានហ្វូងត្រីរ៉សជាង២០,០០០ក្បាលរបស់គ្រួសារបងប្រុស Le Trung Tin នៅ Con Son ទីក្រុង Can Tho បានក្លាយទៅជាគោលដៅទេសរចណ៍មួយដែលទាក់ទាញភ្ញៀវក្នុងនៅក្រៅប្រទេសយ៉ាងច្រើនមកទស្សនា។
ជិះទូក kayak និងរើសសំរាមនៅទីក្រុង Hoi An
នៅដំណើរកំសាន្តនេះ អ្នកទេសចរត្រូវបានជិះទូកដោយខ្លួនឯងលើទន្លេដែលមានចំងាយប្រហែល៦គីឡូម៉េត្រ ហើយនិងបានបង្ហាញពីរបៀបប្រើឧបករណ៍ដើម្បីស្រង់សំរាមផងដែរ។
សាកល្បងជាកសិករ នៅទីក្រុង Da Nang (ភាគកណ្តាលប្រទេសវៀតណាម)
ចំពោះអ្នកទេសចរបរទេស ការដែលបានកាប់ដី ដាំបន្លែ រែកទឹក ជាការសាកល្បងដ៏ពិសេសនៅក្នុងដំណើកំសាន្តដ៏វិសេសវិសាលមួយនេះ។
ដើរនៅបាតសមុទ្រ Nha Trang (ភាគកណ្តាលប្រទេសវៀតណាម)
ការដើរលើ”ដីគោក”ប្រហែលជាហួសសម័យទៅហើយ នៅពេលដែលមកដល់ទីក្រុង Nha Trang ដំណើរកំសាន្ត ដើរនៅបាតសមុទ្រ នឹងនាំមកនូវការរំភើបចិត្តសម្រាប់អ្នកទេសចរ។ ទាំងមនុស្សចាស់ទុំ ទាំងកុមារា កុមារី ទាំងអ្នកអត់ចេះហែលទឹកក៏អាចចូលរួមសកម្មភាពមួយនេះបានដែរ។
អ្នកទេសចរត្រូវបានអ្នកមុជទឹកអាជីពណែនាំពីរបៀបដើរនៅបាតសមុទ្រដើម្បីមានឱកាសទស្សនាហ្វូងត្រីស្អាតៗ ឬទស្សនាភាពស្រស់ត្រកាលនៃផ្កាថ្មដោយផ្ទាល់ភ្នែកផងដែរ៕
តាម petrotimes.vn
បកប្រែដោយ Duy Hoan