កន្លែងដែលមានទេសភាពស្អាតបំផុតទាំង ៨ នៅវៀតណាមសម្រាប់មកលេងកំសន្តនាខែមករា
កប.អនឡាញ- នាដើមឆ្នាំសកលថ្មីនេះគឺជាពេលវេលាដែលផ្កាគ្រប់ប្រភេទកំពុងរីកយ៉ាងស្គុះស្គាយដូចជាផ្កាម៉ាកខៃ ផ្កាស្ពៃស ផ្កាឈូករត្ន ជាដើម បានទាក់ទាញចិត្តភ្ញៀវទេសចរយ៉ាងខ្លាំងក្លា។
Sa Pa
នេះគឺពេវេលាល្អបំផុតដើម្បីអាចជួបប្រទះនឹងរូបភាពព្រិលធ្លាក់ដូចនៅប្រទេសលោកខាងលេចអញ្ចឹង ពីព្រោះថាកាលពីឆ្នាំ ២០១៥ និង ២០១៦ សុទ្ធតែមានព្រិលធ្លាក់នាខែមករាដែរ។
Dien Bien
កោះផ្កាម៉ាក់ខៃ នៅបឹង Pa Khoang ស្រុក Dien Bien ជាកន្លែងទាក់ទាញអារម្មណ៍បំផុតរបស់ខេត្តមួយនេះ។ នៅទីនេះបានដាំផ្កាសាគូរ៉ាជប៉ុនដ៏សម្បូរបែប ដែលរីកស្គុះស្គាយ បញ្ចេញសោភណភាពយ៉ាងស្រស់ស្អាត។ បុណ្យផ្កាសាគូរ៉ាបានប្រព្រឹត្តទៅនៅកោះនេះចាប់ពីថ្ងៃទី ៥ ដល់ ៧ មករាដោយមានសកម្មភាពវប្បធម៌ជាច្រើនដែរ។
Moc Chau
ជាតំបន់ខ្ពង់រាបដ៏ល្បីឈ្មោះដោយមានផ្កាគ្រប់ប្រភេទដែលរីកតៗគ្នាពេញមួយឆ្នាំ។ ប៉ុន្តែផ្កាលេចធ្លោបំផុតក្នុងខែមករានោះគឺផ្កាស្ពៃស ផ្កានេះត្រូវបានដាំដើម្បីចម្រាញ់យកប្រេងផង និងក៏ដើម្បីទាក់ទាញអារម្មណ៍ភ្ញៀវទេសចរមកទស្សនាផងដែរ។
Nghe An
បើធៀបនឹងរៀងរាល់ឆ្នាំមុនៗ ផ្កាឈូករត្ននៅស្រុក Nghia Dan ខេត្ត Nghe An ត្រូវបានដាំ និងរីកយឺតជាង។ ទីនេះជាវាលដាំផ្កាធំបំផុតនៅវៀតណាមដោយមានទំហំលើសពី ៦០ ហិកតា។
Gia Lai
ក្រៅពីរដូវផ្កាកាហ្វេ Tay Nguyen (តំបន់ខ្ពង់រាបភាគខាងត្បូងវៀតណាម) នោះ គឺរដូវកៅស៊ូជ្រុះស្លឹកក៏ត្រូវបានភ្ញៀវទេសចរចាប់អារម្មណ៍យ៉ាងខ្លាំងផងដែរ។
Da Lat
ផ្ការអង្គារសីលគឺជាផ្កាស្អាតប្រចាំនានិទាឃរដូវនៅក្រុង Da Lat។ ផ្កានេះត្រូវបានដាំយ៉ាងច្រើននៅជំវិញបឹង Tuyen Lam និងតាមផ្លូវនានាដែរ។
Sa Dec
ដើម្បីទទួលអារម្មណ៍រនិទាឃរដូវជិតមកដល់នៅតំបន់ភាគខាងលិចប្រទេសនោះ គឺ Sa Dech ខេត្ត Dong Thap ជាគោលដៅមកដល់ដែលមិនអាចរំលងបានទេ ដោយសារនៅទីនេះមានភូមិដាំផ្កាដ៏ល្បីឈ្មោះគឺ Tan Quy Dong ។ ក្រៅពីការថតរូប ភ្ញៀវអាចនិយាយសំណេះសំណាលជាមួយប្រជាជនអំពីរបៀបទុកផ្កាឲ្យបានស្រស់ និងយូរ។
Phu Quoc
ប្រសិនបើមានចំណូលចិត្តចង់ទៅលំហែកាយនៅសមុទ្រនាដើមឆ្នាំនោះ Phu Quoc ដោយមានបណ្តាឆ្នេរសមុទ្រដ៏ស្អាត និងពោរពេញដោយពន្លឺថ្ងៃនោះនឹងជាជម្រើសដ៏សមស្របមួយ។ ភ្ញៀវអាចមកហែលទឹក មុជទឹកគយគន់ផ្កាថ្ម និងចូលរួម សកម្មភាពជាច្រើននៅតាមឆ្នេរសមុទ្រ៕
បកប្រែដោយ Minh Trung