ការចេញផ្សាយសៀវភៅ “កិត្យានុភាពរបស់វៀតណាម” និងតាំងពិព័រណ៍រូបថត និងឯកសារការទូត
កប.អនឡាញ - កាលពីថ្ងៃទី ១៩ មេសា នៅទីក្រុងហូជីមិញបានរៀបចំពិធីចេញផ្សាយសៀវភៅ “កិត្យានុភាពរបស់ វៀតណាម” និងតាំងពិព័រណ៍រូបថត និងឯកសារការទូតរបស់អ្នកកាសែត និងអ្នកថតរូបអាជីព វៀត ណាម។ អញ្ជើញចូលរួមដោយមានអតីតប្រធានរដ្ឋលោក Truong Tan Sang និងលោកជំទាវ។
អតីតប្រធានរដ្ឋលោក Truong Tan Sang និងភ្ញៀវកិត្ដិយសទៅទស្សនាការតាំងបង្ហាញរូបថត
សៀវភៅរូបថតមានចំណងជើងថា “កិត្យានុភាពរបស់វៀតណាម”បានឆ្លុះបញ្ចាំងពីដំណើរការនៃកិច្ចការបរទេសរបស់អតីតប្រធានរដ្ឋលោក Truong Tan Sang ក្នុងអាណត្ដិ ២០១១- ២០១៦។ សៀវភៅនេះមាន៤៥០ទំព័រ បោះពុម្ភផ្សាយជាភាសាពីរគឺ វៀតណាម និងអង់គ្លេស ក្នុងទំហំ ២៥ X ២៥ សង់ទីម៉ែត្រ ដោយទីភ្នាក់ងារសារព័ត៌មានវៀតណាមចេញផ្សាយ។ លោក Pham Binh Minh ឧបនាយករដ្ឋមន្ដ្រី និងជារដ្ឋមន្ដ្រីការបរទេសបានផ្ញើសារជូនពរ និងវាយតំលៃថា អត្ថន័យនៃរូបថតនិមួយៗនេះ នៅប្រៃជាងការនិយាយទៀតផងគឺដោយសាររូបថតនិមួយៗបានឆ្លុះបញ្ចាំងពីរូបភាពល្អរបស់អ្នកនយោបាយ ហើយអ្នកកាសែតដែលបានរួមចំណែកក្នុងការកសាងទំនាក់ទំនងជាមិត្ដភាពរវាងប្រទេសនានា។
នៅក្នុងពិធីនេះ ភ្ញៀវកិត្តិយសបានទិញសៀវភៅចំនួនជាង ៣០០ ក្បាលក្នុងទឹកប្រាក់រាប់លានដុង ដើម្បីជួយឧបត្ថម្ភដល់សិស្សានុសិស្សក្រីក្រនៅតំបន់ដាច់ស្រយាលនានា៕
បកប្រែដោយ Pham Diep