ស្វែងយល់នូវរាល់តំលៃតាំងពីយូរលង់មកហើយរបស់ទឹកដី និងមនុស្សវៀតណាម
កប.អនឡាញ - នាថ្ងៃទី១០ មិនា សម្ព័ន្ធអង្គការមិត្តភាពវៀតណាម (VUFO) បានសហការជាមួយគណៈកម្មាធិការប្រជាជនខេត្ត Thai Nguyen រៀបចំកម្មវិធីដំណើរកំសាន្តនានិទាឃរដូវ ឆ្នាំ២០១៨ នៅខេត្ត Thai Nguyen។ អញ្ជើញចូលរួមមានវត្តមានរបស់បណ្ដាឯកអគ្គរដ្ឋទូត ភារធារី និងកម្មាភិបាលនៃស្ថានទូតនានាប្រចាំនៅវៀតណាម តំណាងនៃបណ្ដាអង្គការអន្តរជាតិ អង្គការក្រៅរដ្ឋាភិបាលបរទេស និងអង្គការជាសមាជិក VUFO នៅមជ្ឈិម។
នៅខេត្ត Thai Nguyen តំណាងទាំងឡាយបានទស្សនាសារមន្ទីរវប្បធម៌បណ្ដាជនរួមជាតិវៀតណាម និងដាំដើមឈើរនៅសារមន្ទីរ។ តំណាងទាំងឡាយក៏បានទស្សនាលំហវប្បធម៌តែ និងភូមិតែអេកូឡូស៊ីនៅឃុំ Tan Cuong ទីក្រុង Thai Nguyen ដើម្បីស្វែងយល់អំពីការផលិតតែ Tan Cuong និងឆ្លងកាត់ភាពជាក់ស្ដែងវប្បធម៌ពិសារតែក្នុងក្របខ័ណ្ឌវប្បធម៌ ទទួលទានតែ។
ក្នុងឱកាសនេះដែរ គណៈកម្មាធិការប្រជាជនខេត្ត Thai Nguyen បានរៀបចំកម្មវិធីជួបសំណេះសំណាល និងឧទ្ទេសនាមអំពីសក្តានុពលនៃកិច្ចសហប្រតិបត្តិការរបស់ខេត្ត។ មានប្រសាសន៍នៅទីនេះ ឯកអគ្គរដ្ឋទូតវិសាមញ្ញ ពេញសមត្ថភាពប៉ាឡេស្ទីនប្រចាំនៅវៀតណាម លោក Saadi Salama បានឲ្យដឹងថា ដំណើរនេះគឺជាឱកាសដើម្បីលោក និងប្រតិភូទាំងមូល ស្វែងយល់នូវតំលៃតាំងពីយូរលង់មកហើយ របស់ទឹកដី និងមនុស្សវៀតណាម ដើម្បីខំប្រឹងប្រែងជម្រុញទំនាក់ទំនងមិត្តភាព កិច្ចសហប្រតិបត្តិការជាមួយវៀតណាមនិយាយរួម និងខេត្ត Thai Nguyen និយាយដោយឡែក៕
បកប្រែដោយ Thuy Anh