សកម្មភាពជួយជ្រោមជ្រែងទិវាបេតិកភណ្ឌវប្បធម៌វៀតណាម ថ្ងៃទី ២៣ ខែវិច្ឆិកា
នារសៀល ថ្ងៃទី២២ ខែវិច្ឆិកា ដែលជាលើកដំបូង បេតិកភណ្ឌជាតិពិសេសចំនួន១៣ ត្រូវបានណែនាំជូនប្រជាជនរដ្ឋធានីហាណូយ តាមរយៈការតាំងពិព័រណ៌ដែលមានចំណងជើងថា “បេតិកភណ្ឌជាតិពិសេសនៅទីក្រុងហាណូយ” ដែលបានបើកនៅសារមន្ទីរហាណូយ ក្នុងឱកាសរំលឹកទិវាបេតិកភណ្ឌវៀតណាម ថ្ងៃទី២៣ ខែវិច្ឆិកា។
ការតាំងពិព័រណ៌នេះបានតាំងបង្ហាញឯកសារ រូបថត និងវត្ថុតាងស្តីពីបេតិកភណ្ឌចំនួន១៣ ដែលបាននាយករដ្ឋមន្ត្រីរៀបចំណាត់ថ្នាក់ជាបេតិកភណ្ឌជាតិពិសេស ក្នុងនោះ បរមរាជវាំង Thang Long, មណ្ឌលអក្សរសាស្ត្រ Van Mieu-Quoc Tu Giam បឹង Hoan Kiem និងវិហារ Ngoc Son ជាដើម។ តាមរយៈការតាំងពិព័រណ៌ ទស្សនិកជនអាចយល់ច្បាស់អំពីតម្លៃស្ថាប័ត្យកម្ម វប្បធម៌ ប្រវត្តិសាស្ត្រ របស់បេតិកភណ្ឌជាតិពិសេសទាំងអស់នេះ ដើម្បីលើកកម្ពស់មនសិការការពារបេតិកភណ្ឌ។
ក៏នៅរសៀលថ្ងៃទី២២ ខែវិច្ឆិកា សារមន្ទីរវិចិត្រសិល្បៈ Da Nang បានរួមសហការជាមួយអ្នកស្រាវជ្រាវនៅទីក្រុង Da Nang និងតំបន់ភាគកណ្តាល រៀបចំការតាំងពិព័រណ៌ “សម្ផស្សនៃគ្រឿងសេរ៉ាមិកបុរាណ”។ ក្នុងពិព័រណ៌នេះបានតាំងបង្ហាញនិងណែនាំដល់សាធារណជននូវវត្ថុបុរាណសេរ៉ាមិកជាង១០០ប្រភេទ។ វត្ថុបុរាណភាគច្រើនដែលបានតាំងបង្ហាញក្នុងពិព័រណ៌នេះ ភាគច្រើនត្រូវបានស្រាវជ្រាវលើទឹកដីភាគកណ្តាល និងភាគខាងត្បូង (វៀតណាម) ពីដំណាក់កាលចម្ប៉ារហូតដល់ចុងបញ្ចប់នៃសតវត្សទី១៩។ អ្នកស្រាវជ្រាវ លោក Nguyen Huu Toan បានឲ្យដឹងថា៖ “សម្ផស្សនៃគ្រឿងសេរ៉ាមិកបុរាណគឺមានលក្ខណៈសាមញ្ញ និងប្រជាប្រិយរបស់ប្រជាជនវៀតណាម។ ខ្ញុំចង់អភិរក្សនូវវត្ថុទាំងនោះដើម្បីឱ្យកូនចៅជំនាន់ក្រោយស្គាល់ឲ្យច្បាស់ផងដែរ”។
ការតាំងពិព័រណ៌នេះនឹងប្រព្រឹត្តទៅរហូតដល់ថ្ងៃទី ២៨ ខែវិច្ឆិកានៅសារមន្ទីរវិចិត្រសិល្បៈ Da Nang នៃប្រទេសវៀតណាម៕
តាម vovworld.vn