សម្លៀកបំពាក់នៃជនជាតិវៀតណាមចំនួន ៥៤ នៅភាគខាងលិចប្រទេសបារាំង
កប.អនឡាញ - ពិព័រណ៌ឧទ្ទេសនាមសម្លៀកបំពាក់នៃជនជាតិវៀតណាមចំនួន ៥៤ បានរៀបចំប្រកបជោគជ័យដោយសមាគមនិស្សិតវៀតណាមនៅទីក្រុង Nantes (AEVN) និងសមាគមមិត្តភាពវៀតណាម - Loire Atlantique (AVLA) នៅមជ្ឈមណ្ឌលវប្បធម៌ Cosmopolis របស់ទីក្រុង Nantes ភាគខាងលិចប្រទេសបារាំងពីថ្ងៃទី០១ ដល់ថ្ងៃទី១៨ ខែកុម្ភៈ។
|
|
ពិព័រណ៌ឧទ្ទេសនាមសម្លៀកបំពាក់នៃជនជាតិវៀតណាមចំនួន ៥៤ (រូបថត៖ vnanet.vn) |
ពិព័រណ៌បានទាក់ទាញទស្សនិកជនរាប់រយនាក់មកទស្សនាជារៀងរាល់ថ្ងៃ និងការលើកសរសើរនៅក្នុងសៀវភៅអារម្មណ៍។
នេះគឺជាសកម្មភាពក្នុងក្របខ័ណ្ឌនៃកម្មវិធី “បេះដូងវៀតណាម” និងសួស្ដីឆ្នាំថ្មីតេត ២០១៨ ដោយមានសកម្មភាពជាង២០ ដែលផ្សព្វផ្សាយអំពីប្រទេស វប្បធម៌ និងមនុស្សវៀតណាម។
នៅក្នុងពិព័រណ៌នេះ ទស្សនិកជនបានទស្សនារូបថតអំពីវៀតណាមនៅអតីតកាលនិងបច្ចុប្បន្នកាលរបស់លោក Sébastien Laval។ អ្នកថតរូបជនជាតិបារាំងនេះបានមកតំបន់នានារបស់វៀតណាម និងថតរូបអំពីមនុស្ស ជីវភាព ទេសភាពវៀតណាម៕
បកប្រែដោយ Thuy Anh