អាមេរិកអះអាងអំពីផែនការដកទ័ពចេញពីស៊ីរី ប៉ុន្តែនៅតែប្រយុទ្ធប្រឆាំង IS
នាថ្ងៃទី ១០ ខែមករា លោក Mike Pompeo រដ្ឋមន្ត្រីការបរទេសអាមេរិកបានឲ្យដឹងថា វ៉ាស៊ីនតោននឹងដកទ័ពចេញពីស៊ីរី ខណៈដែលនៅតែបន្តប្រយុទ្ធប្រឆាំងអង្គការរដ្ឋឥស្លាមស្វ័យប្រកាស (IS)។
    |
 |
|
លោក Mike Pompeo រដ្ឋមន្ត្រីការបរទេសអាមេរិក (រូបថត៖ vnanet.vn) |
ថ្លែងមតិនៅក្នុងសន្និសីទសារព័ត៌មានជាមួយរដ្ឋមន្រ្តីការបរទេសអេហ្ស៊ីប លោក Sameh Shoukry នៅទីក្រុងគែរនោះ លោក Mike Pompeo បានលើកឡើងយ៉ាងច្បាស់អំពីផែនការរបស់អាមេរិក ស្ដីពីការដកទ័ពចេញពីស៊ីរី គឺនៅតែបានអនុវត្តន៍ ដោយមិនអើពើនឹងការរិះគន់ពីសំណាក់ប្រទេសសម្ព័ន្ធមិត្ត។ ទោះជាយ៉ាងណាក៏ដោយ លោកបានសង្កត់ធ្ងន់ថា អាមេរិកនៅតែជាដៃគូដ៏រឹងមាំនៅមជ្ឈឹមបូព៌ា ក្នុងការប្រយុទ្ធប្រឆាំងនឹងអំពើភេរវកម្ម។ លោក Mike Pompeo កំពុងទទួលរងសម្ពាធនៃការលុបចោលក្ដីមន្ទិលសង្ស័យរបស់សម្ព័ន្ធមិត្ត នៅក្នុងតំបន់ អំពីការដែលវ៉ាស៊ីនតោននឹងដកទ័ពចេញពីស៊ីរីភ្លាមៗ។ លោកបានអះអាងថា ការដកទ័ពនឹងប្រព្រឹត្តិទៅតាមកាលវិភាគ។
នាថ្ងៃទី ១០ ខែមករា ដដែលនោះ រដ្ឋមន្ត្រីការបរទេសបារាំងលោក Jean-Yves Le Drian បានឲ្យដឹងថាប្រទេសនេះត្រៀមខ្លួនជាស្រេចដកទ័ពចេញពីស៊ីរី នៅពេលដែលប្រទេសមជ្ឈឹមបូព៌ានេះទទួលបានដំណោះស្រាយនយោបាយ៕
តាម vovworld.vn