ប្រធានាធិបតីអាមេរិក លោក Donald Trump ព្រមានវិបត្តិសន្តិសុខតាមព្រំដែន
លោក Donald Trump បានរំលឹកឡើងវិញនូវការអំពាវនាវដល់រដ្ឋសភាអាមេរិកអនុម័តលើកញ្ចប់ថវិកា ៥,៧ ពាន់លានដុល្លារអាមេរិក ដើម្បីកសាងជញ្ជាំងតាមបណ្ដោយព្រំដែនជាប់ម៉ិកស៊ីក សំដៅរាំងខ្ទប់វិបត្តិ និងបញ្ចប់ស្ថានភាពរដ្ឋាភិបាលអាមេរិកបិទទ្វារមួយផ្នែកផងដែរ។
    |
 |
|
ប្រធានាធិបតីអាមេរិក លោក Donald Trump ព្រមានវិបត្តិសន្តិសុខតាមព្រំដែន |
ក្នុងបទថ្លែងមតិ ដែលបានស្ថានីយ៍ទូរទស្សន៍ផ្សាយបន្តផ្ទាល់ពីសេតវិមាន នាយប់ថ្ងៃទី ៨ ខែមករា ប្រធានាធិបតីអាមេរិក លោក Donald Trump បានប្រកាសថា តំបន់ព្រំដែនអាមេរិក - ម៉ិកស៊ីក កំពុងស្ថិតក្នុងវិបត្តិសន្តិសុខ ដែលកាន់តែកើនឡើងពីមួយថ្ងៃទៅមួយថ្ងៃ ព្រមទាំងលោកសង្កត់ធ្ងន់អំពីស្ថានភាពអន្តោប្រវេសន៍មិនស្របច្បាប់ ហើយមិនត្រូវបានគ្រប់គ្រងនាបច្ចុប្បន្ន គឺកំពុងជះឥទ្ធិពលដល់ប្រជាជនអាមេរិករាប់លាននាក់។ លោក Donald Trump បានរំលឹកឡើងវិញនូវការអំពាវនាវដល់រដ្ឋសភាអាមេរិកអនុម័តលើកញ្ចប់ថវិកា ៥,៧ ពាន់លានដុល្លារអាមេរិក ដើម្បីកសាងជញ្ជាំងតាមបណ្ដោយព្រំដែនជាប់ម៉ិកស៊ីក សំដៅរាំងខ្ទប់វិបត្តិ និងបញ្ចប់ស្ថានភាពរដ្ឋាភិបាលអាមេរិកបិទទ្វារមួយផ្នែកផងដែរ។
ក្នុងបទសុន្ទរកថានេះ លោក Donald Trump ក៏បានបង្ហាញនូវសញ្ញាសម្រុះសម្រួលនៅពេលលោកយល់ព្រមទទួលសំណើររបស់ភាគីប្រជាធិបតេយ្យនៅរដ្ឋសភាអំពីការកសាង "របាំងដែក" ជំនួសឱ្យជញ្ជាំងបេតុងផងដែរ៕
តាម vovworld.vn