វេទិកាអាជីវករវ័យក្មេង ASEAN+3
កប.អនឡាញ - នាយប់ថ្ងៃទី១៣ ខែធ្នូ នៅទីក្រុងហូជីមិញ គណៈកម្មាធិការជាតិទទួលបន្ទុកកិច្ចការយុវជនវៀតណាមបានសហការជាមួយមជ្ឈិមសម្ព័ន្ធយុវជនកុម្មុយនិស្តហូជីមិញ បើកវេទិកាអាជីវករវ័យក្មេង ASEAN+3 លើកទី២ ឆ្នាំ២០១៨ ក្រោមប្រធានបទ “អាជីវករវ័យក្មេង ASEAN+3 ឆ្ពោះទៅការចាប់ផ្ដើមធ្វើអាជីវកម្មដោយមានភាពច្នៃប្រឌិតក្នុងវិស័យកសិកម្មដែលប្រើបច្ចេកវិទ្យាខ្ពស់”។
អញ្ជើញចូលរួមវេទិកាមានតំណាងចំនួន ១៦០ នាក់មកពីប្រទេសអាស៊ានទាំង១០ និងកូរ៉េខាងត្បូង ជប៉ុន ចិន ។ វេទិកានេះនឹងប្រព្រឹត្តទៅដល់ថ្ងៃទី១៦ ខែធ្នូ នៅទីក្រុងហូជីមិញ និងខេត្ត Dong Thap វៀតណាម។ នៅឯវេទិកា តំណាងទាំងឡាយបានពិភាក្សាអំពីបទពិសោធន៍ក្នុងការចាប់ផ្ដើមធ្វើអាជីវកម្ម ក៏ដូចជាឱកាស និងបញ្ហាប្រឈម ក្នុងការចាប់ផ្ដើមធ្វើអាជីវកម្មក្នុងវិស័យកសិកម្មដែលប្រើបច្ចេកវិទ្យាខ្ពស់។ល។ ក្នុងក្របខ័ណនៃវេទិកា តំណាងទាំងឡាយនឹងទៅទស្សនកិច្ចនៅសហគ្រាសកសិកម្មដែលប្រើបច្ចេកវិទ្យាខ្ពស់មួយចំនួន និងទៅទស្សនានៅរមណីយដ្ឋានមួយចំនួននៅទីក្រុងហូជីមិញ និងខេត្ត Dong Thap។
|
|
តំណាងមជ្ឈិមសម្ព័ន្ធយុវជនកុម្មុយនិស្តហូជីមិញថតរូបជាមួយតំណាងបរទេសនានា |
លោក Nguyen Ngoc Luong អនុប្រធានគណៈកម្មាធិការជាតិទទួលបន្ទុកកិច្ចការយុវជនវៀតណាមបញ្ជាក់ថា វេទិកាជាឱកាសល្អសម្រាប់អាជីវករវ័យក្មេង ASEAN+3 ជួបជុំផ្លាស់ប្តូរ កសាងទំនុកទុកចិត្ត រួមចំណែកជម្រុញពាណិជ្ជកម្ម និងវិនិយោគក្នុងតំបន់ រួមចំណែកក្នុងការលើកកម្ពស់សារៈសំខាន់របស់អាជីវករវ័យក្មេងក្នុងការអនុវត្តគោលដៅបង្កើតសហគមន៍សេដ្ឋកិច្ចអាស៊ាននិយាយដោយឡែក និងរួមវិភាគទានក្នុងការកសាងសហគមន៍អាស៊ានមួយអភិវឌ្ឍន៍ប្រកបដោយចីរភាពនិយាយរួម៕
បកប្រែដោយ Thuy Anh