វៀតណាមមានឱកាសជាច្រើនក្នុងកិច្ចសហប្រតិបត្តិការលើវិស័យ Fintech ជាមួយសាធារណរដ្ឋ Litva
កប.អនឡាញ - នាព្រឹកថ្ងៃទី២ ខែវិច្ឆិកា នៅទីក្រុងហាណូយ សភាពាណិជ្ជកម្មនិងឧស្សាហកម្មវៀតណាម (VCCI) ស្ថានទូត Litva និងធនាគាររដ្ឋ Litva បានសហការរៀបចំសិក្ខាសាលា “Fintech - ឱកាសសហប្រតិបត្តិការពីប្រទេស Litva មុនកិច្ចព្រមព្រៀងពាណិជ្ជកម្មសេរីរវាងវៀតណាម និងសហភាពអឺរ៉ុប (EVFTA)” ក្នុងគោលបំណងស្វែងរកឱកាសសម្រាប់សហគ្រាសវៀតណាមសហប្រតិបត្តិការជាមួយសហគ្រាស Litva ក្នុងវិស័យ Fintech (បច្ចេកវិទ្យាហិរញ្ញវត្ថុ)។
នៅប៉ុន្មានឆ្នាំថ្មីៗនេះ សាធារណរដ្ឋ Litva គឺជាខឿនសេដ្ឋកិច្ចអភិវឌ្ឍលឿនជាងគេនៅអឺរ៉ុប។ ប្រទេស Litva គឺជាប្រទេសមួយក្នុងចំណោមប្រទេសដែលមានគោលនយោបាយជួយគាំទ្រដល់អាជីវករលើវិស័យបច្ចេកវិទ្យាហិរញ្ញវត្ថុ - Fintech។
មានប្រសាសន៍ក្នុងសិក្ខាសាលា លោកស្រី Tran Thi Lan Anh អគ្គលេខាធិការរងនៃសភាពាណិជ្ជកម្មនិងឧស្សាហកម្មវៀតណាម (VCCI) ថ្លែងច្បាស់ថា បច្ចុប្បន្ននេះ Fintech បានទទួលការយកចិត្តទុកដាក់ជាច្រើនពីផ្នែកហិរញ្ញវត្ថុ ធនាគារ ពាណិជ្ជកម្មអេឡិចត្រូនិចនៅវៀតណាម។ វៀតណាមមានសក្តានុពលជាច្រើនក្នុងការអភិវឌ្ឍ Fintech។ ប៉ុន្តែនៅវៀតណាម ការពង្រីក Fintech នៅមានការលំបាកជាច្រើន៕
បកប្រែដោយ Thuy Anh