វៀតណាមវិនិយោគទុនជិត ២៨០ លានដុល្លារអាមេរិកទៅបរទេសក្នុងរយៈពេល៧ ខែនៅឆ្នាំ២០១៨
កប.អនឡាញ - យោងតាមនាយកដ្ឋានវិនិយោគនៅបរទេសនៃក្រសួងផែនការ និងវិនិយោគវៀតណាម ក្នុងរយៈពេល ៧ ខែនៅឆ្នាំ២០១៨ ទុនវិនិយោគសរុបទៅបរទេសរបស់វៀតណាមដែលបានផ្តល់លិខិតអនុញ្ញាតវិនិយោគថ្មីសម្រេចបាន ២៧៩.៦៣ លានដុល្លារអាមេរិក។
ក្នុងនោះ គម្រោងចំនួន ៨១ ដែលបានផ្តល់លិខិតអនុញ្ញាតវិនិយោគថ្មីទៅបរទេសមានទុនវិនិយោគសរុប ២៣៨.៣៣ លានដុល្លារអាមេរិក និងគម្រោងដទៃ ២១ ដែលទុនវិនិយោគនៃវៀតណាមបានកើនឡើង ៤១.៣ លានដុល្លារអាមេរិក។ វិស័យធនាគារ និងហិរញ្ញវត្ថុបាននាំមុខគេក្នុងការវិនិយោគទៅបរទេសដោយមានទុនចំនួន ១០៥.៧៧ ដុល្លារអាមេរិក។ ក្នុងរយៈពេល ៧ ខែនៅឆ្នាំ២០១៨ វៀតណាមបានវិនិយោគទុនទៅប្រទេស និងតំបន់ដែនដីចំនួន៣២។ ក្នុងនោះ ប្រទេសឡាវជាទីផ្សារនាំមុខគេដោយមានទុនវិនិយោគសរុប ៨៤ លានដុល្លារអាមេរិក។ ទីពីរជាប្រទេសអូស្ត្រាលីដោយមានទុនវិនិយោគចំនួន ៣៧.១ លានដុល្លារអាមេរិក៕
បកប្រែដោយ Thuy Anh