វៀតណាមផ្តោតជាសំខាន់ទៅលើទំនាក់ទំនងកិច្ចសហប្រតិបត្តិការជាមួយមជ្ឈមណ្ឌលពាណិជ្ជកម្មអន្តរជាតិ
កប.អនឡាញ - នាថ្ងៃទី២៧ កុម្ភៈ នៅទីស្នាក់ការខុទ្ទកាល័យរដ្ឋាភិបាល ឧបនាយករដ្ឋមន្ត្រី និងជារដ្ឋមន្រ្តីក្រសួងការបរទេសវៀតណាមលោក Pham Binh Minh បានទទួលជួបលោកស្រី Arancha González នាយិកាប្រតិបត្តិមជ្ឈមណ្ឌលពាណិជ្ជកម្មអន្តរជាតិ(ITC) ដែលកំពុងបំពេញទស្សនកិច្ចការងារនៅវៀតណាមពីថ្ងៃទី២៦ ដល់ទី២៨ កុម្ភៈ។
|
|
លោក Pham Binh Minh ទទួលជួបលោកស្រី Arancha González (រូបថត៖ baoquocte.vn) |
នៅជំនួបលោក Pham Binh Minh បានបញ្ជាក់ថា វៀតណាមផ្តោតជាសំខាន់ទៅលើទំនាក់ទំនងកិច្ចសហប្រតិបត្តិការ និងមានបំណងបន្តទទួលការគាំទ្រពី ITC។ នៅបច្ចុប្បន្ននេះ សហគ្រាសវៀតណាមជាច្រើននៅមានកំរិតក្នុងការទទួលព័ត៌មានអំពីទីផ្សារអន្តរជាតិ។ ហេតុនេះ វៀតណាមមានបំណងថា ITC នឹងជួយវៀតណាមក្នុងវិស័យនេះ។ ទន្ទឹមនិងនោះ លោក Pham Binh Minh បានបញ្ជាក់ទៅលើបំណង ITC ជួយរដ្ឋាភិបាលវៀតណាមកសាងយុទ្ធសាស្រ្ត ដើម្បីជួយឧប្ថម្ភសហគ្រសវៀតណាមចូលរួមសង្វាក់តម្លៃអន្តរជាតិឲ្យស៊ីជម្រៅថែមទៀត។
លោក Pham Binh Minh ក៏ស្នើឲ្យលោកស្រី Arancha González និង ITC គាំទ្រ និងរួមចំណែកជម្រុញការចុះហត្ថលេខាលើកិច្ចព្រមព្រៀងពាណិជ្ជកម្មសេរី រវាងវៀតណាម និងសហភាពអឺរ៉ុប (EVFTA) យ៉ាងឆាប់រហ័ស ព្រមទាំងជួយវៀតណាមអនុវត្តកិច្ចព្រមព្រៀងនេះប្រកបដោយប្រសិទ្ធភាព។
រីឯខ្លួន លោកស្រី Arancha González បានឲ្យដឹងថា ដោយមានបទពិសោធន៍ និងតួនាទីរបស់ខ្លួន លោកស្រី និងបណ្តាសហការីនឹងជួយសហគ្រាសនៅបណ្ដាប្រទេសកំពុងអភិវឌ្ឍន៍ ក្នុងនោះមានវៀតណាមផង ក្នុងការទទួលព័ត៌មាន បើកទូលាយទីផ្សារ និងចូលរួមខ្សែសង្វាក់តម្លៃអន្តរជាតិឲ្យស៊ីជម្រៅថែមទៀត៕
បកប្រែដោយ Thuy Anh