ថៃជំរុញទំនាក់ទំនងពាណិជ្ជកម្មជាមួយក្រុមប្រទេសកម្ពុជា- ឡាវ មីយ៉ាន់ម៉ា-វៀតណាម
កប.អនឡាញ - នាថ្ងៃទី ១៩ ខែមិថុនា លោក Somkid Jatusripitak ឧបនាយករដ្ឋមន្ដ្រីថៃបានបញ្ជាក់ថា ថៃកំពុងចាប់ផ្ដើមកសាងផែនការទូទៅក្នុងការជំរុញទំនាក់ទំនងពាណិជ្ជកម្ម និងវិនិយោគជាមួយបណ្ដាប្រទេស កម្ពុជា- ឡាវ -មីយ៉ានម៉ា- វៀតណាម (CLMV) ដើម្បីបង្កើតភាពសម្បូរណ៍រុងរឿងនៅក្នុងបរិបទបណ្ដាប្រទេសនៅទូទាំងពិភពលោកកំពុងប្រកួតប្រជែងយ៉ាងខ្លាំងក្លា។
លោក Somkid Jatusripitak ឧបនាយករដ្ឋមន្ដ្រីថៃ ( រូបថត AFP/TTXVN)
ផែនការខាងលើនេះ ត្រូវបានគេរំពឹងថានឹងជួយឲ្យថៃបង្កើនទំនាក់ទំនងដោយពិតប្រាកដ ជាមួយបណ្ដាប្រទេស CLMV និងលើកកម្ពស់ទំហំពាណិជ្ជកម្មទ្វេភាគី ព្រមទាំងបើកឱកាសឲ្យបណ្ដាសហគ្រាសថៃចូលមកវិនិយោគនៅក្នុងបណ្ដាប្រទេស CLMV និងផ្ទុយទៅវិញ។
កាលពីឆ្នាំទៅ បូកសរុបទំហំពាណិជ្ជកម្មរវាងថៃ និងបណ្ដាប្រទេស CLMV សម្រេចបាន ៣០.៩៤ ពាន់លានដុល្លាអាមេរិក៕
បកប្រែដោយ Pham Diep