សម្ព័ន្ធក្រុមហ៊ុន Keppel នឹងជួយឧបត្ថម្ភទីក្រុងហូជីមិញកសាងទីក្រុងឆ្លាត
កប.អនឡាញ - ក្នុងកិច្ចពិភាក្សាជាមួយថ្នាក់ដឹកនាំទីក្រុងហូជីមិញបានប្រព្រឹត្ដទៅនាថ្ងៃទី ៤ មេសា លោក Loh Chin Hua នាយកប្រតិបត្ដិការសម្ព័ន្ធក្រុមហ៊ុន Keppel សិង្ហបុរីបានឲ្យដឹងថា សម្ព័ន្ធក្រុមហ៊ុននឹងជួយឧបត្ថម្ភទីក្រុងហូជីមិញក្នុងការកសាងទីក្រុងឆ្លាត។ សម្ព័ន្ធក្រុមហ៊ុនកំពុងអនុវត្ដគម្រោងសំខាន់មួយចំនួននៅទីក្រុង ក្នុងនោះមានគម្រោង Saigon Sport City នៅខ័ណ្ឌលេខ ២។
លោក Nguyen Thanh Phong ប្រធានគណៈកម្មាធិការប្រជាជនទីក្រុងហូជីមិញវាយតំលៃខ្ពស់ចំពោះបទពិសោធន៍របស់សម្ព័ន្ធក្រុមហ៊ុន Keppel ក្នុងការកសាងទីក្រុងឆ្លាត និងមានបំណងចង់បានសម្ព័ន្ធក្រុមហ៊ុនជួយឧបត្ថម្ភកសាងទីក្រុងហូជីមិញទៅជាទីក្រុងឆ្លាត ព្រមទាំងលោកបញ្ជាក់ថា ទីក្រុងហូជីមិញនឹងសន្យាបង្កលក្ខណៈងាយស្រួលសម្រាប់វិនិយោគិននៃសិង្ហបុរីមកបណ្ដាក់ទុននៅទីក្រុង ហូជីមិញផងដែរ៕
បកប្រែដោយ Pham Diep