ការចែករំលែកបទពិសោធន៍លើការដោះស្រាយបញ្ហាប្រឈមមុខនៃបម្រែបម្រួលអាកាសធាតុសម្រាប់កសិករអាស៊ី
កប.អនឡាញ - នាព្រឹក ថ្ងៃទី២០ ខែមីនា នៅទីក្រុង Da Nang សម្ព័ន្ធសហករណ៍វៀតណាម បានសហការជាមួយសហព័ន្ធមជ្ឈិមសមាគមសហករណ៍កសិកម្មជប៉ុន (JA-Zenchu) បានរៀបចំកិច្ចប្រជុំប្រចាំឆ្នាំលើកទី១៩ នៃអង្គការសហប្រតិបត្តិការកសិករអាស៊ី (AFGC) ក្រោមប្រធានបទ “តួនាទីរបស់បណ្តាអង្គការសហប្រតិបត្តិការកសិករ ដើម្បីដោះស្រាយបញ្ហាប្រឈមនៃបម្រែបម្រួលអាកាសធាតុសម្រាប់កសិករអាស៊ី”។
កិច្ចប្រជុំមានការចូលរួមពីតំណាងបណ្តាសហករណ៍ អង្គការតំណាងកសិករថ្នាក់ជាតិមកពីប្រទេសអាស៊ីចំនួន ១០ គណៈកម្មការសេដ្ឋកិច្ចមជ្ឈិម ក្រសួងកសិកម្ម និងអភិវឌ្ឍន៍ជនបទ ក្រសួងផែនការ និងវិនិយោគ និងមជ្ឈិមសមាគមកសិករវៀតណាម។ល។
នៅកិច្ចប្រជុំ ក្រៅពីផ្លាស់ប្តូរ និងចែករំលែកបទពិសោធន៍លើការដោះស្រាយបញ្ហាប្រឈមនៃបម្រែបម្រួលអាកាសធាតុសម្រាប់វិស័យកសិកម្ម កសិករអាស៊ី ប្រតិភូទាំងឡាយបានពិភាក្សាពីបទពិសោធន៍ក្នុងការអភិវឌ្ឍសហករណ៍កសិកម្ម ផ្សាភ្ជាប់ជាមួយខ្សែសង្វាក់ផលិតកម្ម ការប្រើប្រាស់បច្ចេកវិទ្យាខ្ពស់ក្នុងការអភិវឌ្ឍវិស័យកសិកម្ម និងសហករណ៍កសិកម្មជាដើម៕
បកប្រែដោយ Thanh Cong