ភ្ញៀវទេសចរណ៍ជាង ៥០,០០០ នាក់មកចូលរួមពិធីបុណ្យកាហ្វេ Buon Ma Thuot -2019
កប.អនឡាញ -ក្រោយរយៈពេល ៨ ថ្ងៃនៃការប្រព្រឹត្ដទៅកម្មវិធី និងសកម្មភាពវប្បធម៌ប្រពៃណីជាច្រើនរបស់ជនរួមជាតិ Tay Nguyen (នៅតំបន់ខ្ពង់រាបភាគកណ្ដាលវៀតណាម) ពិធីបុណ្យកាហ្វេ Buon Ma Thuot ខេត្ត Dak Lak -2019 លើកទី៧ បានបញ្ចប់ប្រកបដោយជោគជ័យនាយប់ថ្ងៃទី ១៦ ខែមីនា។
    |
 |
|
ការសំដែងសិល្បៈក្នុងពិធីបិទបុណ្យកាហ្វេ Buon Ma Thuot ខេត្ត Dak Lak - 2019 លើកទី៧ |
ក្នុងក្របខ័ណ្ឌនៃពិធីបុណ្យកាហ្វេ បានប្រព្រឹត្ដទៅសន្និសីទជំរុញការវិនិយោគចូលមកខេត្ត Dak Lak ឆ្នាំ ២០១៩ ព្រមទាំងគណៈកម្មាធិការប្រជាជនខេត្តបានយល់ព្រមផ្តល់អាជ្ញាប័ណ្ណវិនិយោគដល់គម្រោងចំនួន ៣៨ ក្នុងទុនចុះបញ្ជីប្រមាណ៧២ ពាន់លានដុង។
នៅក្នុងការតាំងពិព័រណ៍កាហ្វេលើកនេះ មានស្តង់ទំនិញចំនួន ៨០០ស្តង់ របស់សហគ្រាសកាហ្វេចំនួន ២៣០ ក្នុងស្រុកនិងក្រៅប្រទេស។ ពិធីបុណ្យកាហ្វេបានទាក់ទាញភ្ញៀវទេសចរជាង ៥០,០០០ នាក់ ក្នុងនោះភ្ញៀវទេសចរអន្ដរជាតិមាន ៦,០០០ នាក់។
ក្នុងឱកាសនេះដែរ គណៈកម្មាធិការប្រជាជនខេត្ដ Dak Lak បានប្រគល់ប័ណ្ណសរសើរដល់អង្គភាព និងបុគ្គលដោយសារមានស្នាដៃល្អ រួមចំណែកក្នុងពិធិបុណ្យកាហ្វេ Buon Ma Thuot -2019 លើកទី ៧ នេះ៕
បកប្រែដោយ Thanh Cong