និស្សិតវៀតណាមនិងអន្តរជាតិលើកឡើងដំណោះស្រាយស្ដីពីការអភិវឌ្ឍប្រភពធនធានមនុស្សក្នុងបដិវត្តន៍ឧស្សាហកម្ម៤ ០
ប្រារព្ធនាថ្ងៃទី៥ ខែធ្នូ នៅទីក្រុងហូជីមិញ វេទិកាវិទ្យាសាស្ត្រនិស្សិតអន្តរជាតិទីក្រុងហូជីមិញឆ្នាំ២០១៨ ក្រោមប្រធានបទ “ប្រភពធនធានមនុស្សក្នុងបដិវត្តន៍ឧស្សាហកម្ម៤.០” បានទាក់ទាញការចូលរួមរបស់តំណាងចំនួន ៧០ នាក់ មកពីប្រទេសនិងតំបន់ដែនដីចំនួន៩ រួមជាមួយនិស្សិតវៀតណាមចំនួន១ពាន់នាក់ផងដែរ។
នៅវេទិកានេះ អ្នកជំនាញនានាបានបង្ហាញបទអន្តរាគមន៍ស្ដីពីប្រាជ្ញាសិប្បនិម្មិត (AI) និងសង្គមទំនើបផលប៉ះពាល់នៃបច្ចេកវិទ្យា AI ទៅលើពលករ និន្នាការអប់រំក្នុងកាលៈទេសៈនៃបដិវត្តន៍ឧស្សាហកម្ម៤.០ និងសមត្ថភាពចាំបាច់នានាដើម្បីអភិវឌ្ឍន៍អាជីពផងដែរ។
បណ្ដាតំណាងនិស្សិតនៅវេទិកាបានចូលរួមផ្ដល់មតិយ៉ាងសកម្មចំពោះខ្លឹមសារនានាដែលត្រូវបានលើកយកមកពិភាក្សា។ តំណាងនិស្សិតភាគច្រើនបានចាត់ទុកថា ក្រៅពីស្មារតីឧស្សាហ៍ព្យាយាមហាត់ពត់លត់ដំរបស់និស្សិតផ្ទាល់ខ្លួននោះ គឺការជួយឧបត្ថម្ភរបស់គ្រូបង្រៀន សាកលវិទ្យាល័យនិងអង្គការផ្សេងៗ ទៀត នឹងរួមចំណែកអភិវឌ្ឍន៍ប្រភពធនធានមនុស្សក្នុងបដិវត្តន៍ឧស្សាហកម្ម ៤.០៕
តាម vovworld.vn