ទំហំពាណិជ្ជកម្មទ្វេភាគីរវាងវៀតណាម និងសាធារណរដ្ឋឆែកបានកើនឡើងជិត ១៤%
កប.អនឡាញ -តួលេខនាពេលថ្មីនេះ ពីនាយកដ្ឋានស្ថិតិនៃសាធារណរដ្ឋឆែកបានបង្ហាញថា ពាណិជ្ជកម្មទ្វេភាគីរវាងវៀតណាម និងសាធារណរដ្ឋឆែកពីខែមករា ដល់ ខែមិថុនា ឆ្នាំ២០១៨ បានបន្តកើនឡើងគិតជាមធ្យមជិត ១៤% បើធៀបនឹងរយៈពេលដូចគ្នាឆ្នាំ ២០១៧។
ក្នុងរយៈពេល ៦ ខែដើមឆ្នាំ២០១៨ ទំហំពាណិជ្ជកម្មទ្វេភាគគីរវាងវៀតណាម និងសាធារណរដ្ឋឆែកសម្រេចបាន ៥៥១,៤២៣ លានដុល្លារអាមេរិកកើនឡើង ១៣,៨% បើធៀបនឹងរយៈពេលដូចគ្នាឆ្នាំ២០១៧។
|
|
ទំហំពាណិជ្ជកម្មទ្វេភាគីរវាងវៀតណាម និងសាធារណរដ្ឋឆែកបានកើនឡើងជិត ១៤% (រូបថត៖ vnanet.vn) |
ទំនិញវៀតណាមនាំចេញទៅកាន់សាធារណរដ្ឋឆែកពីខែមករា ដល់ ខែមិថុនា គឺផលិតផលអេឡិចត្រូនិច ស្បែកជើង កៅស៊ូ សម្លៀកបំពាក់ កសិផល កាហ្វេ ផលិតផលសិប្បកម្ម និងប្លាស្ទិចជាដើម។
ផលិតផលដែលឆែកនាំចេញទៅវៀតណាម គឺសំភារៈសម្រាប់ឡឧស្ម័នថាមពល ឡចំហាយ និងឧបករណ៍គ្រឿងយន្ដ ម៉ាស៊ីនថតសម្លេង អេក្រង់ទូរទស្សន៍ជាដើម ប្លាស្ទិច គ្រាប់ពូជ និងឱសថរុក្ខជាតិជាដើម៕
បកប្រែដោយ Pham Diep