ជំរុញការកែច្នៃឈើ និងផលិតផលព្រៃឈើក្លាយជាផ្នែកមួយជាមុខព្រួញសម្រាប់ការផលិត និងការនាំចេញ
កប.អនឡាញ - នាថ្ងៃទី៨ ខែសីហា នៅទីក្រុងហូជីមិញ លោក Nguyen Xuan Phuc នាយករដ្ឋមន្ត្រីវៀតណាមបានអញ្ជើញជាអធិបតីភាពក្នុងកិច្ចប្រជុំមួយស្តីពីទិសដៅ និងដំណោះស្រាយសម្រាប់ការអភិវឌ្ឍយ៉ាងឆាប់រហ័ស និងប្រកបដោយចីរភាពនៃផ្នែកឧស្សហកម្មកែច្នៃឈើ និងផលិតផលព្រៃឈើសម្រាប់ការនាំចេញ។
នាប៉ុន្មានឆ្នាំកន្លងមក ផ្នែកព្រៃឈើបានបញ្ជាក់ពីតួនាទីរបស់ខ្លួនជាផ្នែកសេដ្ឋកិច្ច-សង្គមមួយដ៏សំខាន់របស់ប្រទេសជាតិ ដែលក្នុងនោះ ឈើនិងផលិតផលឈើបានក្លាយទៅជាផលិតផលដែលមានទំហំទឹកប្រាក់នៃការនាំចេញជាប់លំដាប់ថ្នាក់ទី៦ របស់វៀតណាមគឺសើ្មនឹង៦% នៃចំណែកទីផ្សារពិភពលោក និងជាប់លំដាប់ថ្នាក់ទី២ នៅអាស៊ាន និងទី៥ នៅលើពិភពលោក។ បច្ចុប្បន្ននេះ ផលិតផលឈើវៀតណាមក៏មានវត្តមាននៅ១២០ប្រទេស និងតំបន់ដែនដីផងដែរ។
|
|
លោកនាយករដ្ឋមន្ត្រី Nguyen Xuan Phuc ទស្សនាផលិតផលមួយដែលបានដាក់តាំងនៅកិច្ចប្រជុំ (រូបថត៖ vnanet.vn) |
មានប្រសាសន៍នៅក្នុងកិច្ចប្រជុំនេះ លោកនាយករដ្ឋមន្ត្រីបានវាយតំលៃខ្ពស់ និងលើកសរសើរចំពោះបណ្តាក្រសួង ស្ថាប័ន សហគ្រិន និងពលករទាំងអស់ដែលបានរួមចំណែកយ៉ាងខ្លាំងក្នុងសមិទ្ធិផលរបស់ផ្នែកកែច្នែឈើ និងផលិតផលព្រៃឈើវៀតណាម។ លោកនាយករដ្ឋមន្ត្រីមានប្រសាសន៍ថា នាពេលកន្លងមក រដ្ឋាភិបាល ក្រសួង ស្ថាប័នគ្រប់ជាន់ថ្នាក់ក៏បានបញ្ជាណែនាំឲ្យដាំដើមឈើដើម្បីបង្កើតជាព្រៃឈើនៅលើផ្ទៃដីដែលគ្មានព្រៃឈើពីមុន ព្រមទាំងការពារព្រៃឈើផងដែរ។ លោកនាយករដ្ឋមន្ត្រីក៏បានស្នើឲ្យអាជ្ញាធរគ្រប់ជាន់ថ្នាក់ត្រូវតែមានគោលនយោបាយក្នុងការគ្រប់គ្រងពៃ្រឈើឲ្យបានល្អជាងមុន ព្រមទាំងត្រូវចាត់វិធានការឲ្យបានខ្លាំងក្លាថែមទៀតចំពោះរាល់ករណីកាប់បំផ្លាញព្រៃឈើផងដែរ។
ក្រោយពីកិច្ចប្រជុំនេះ លោកនាយករដ្ឋមន្រ្តីនឹងចេញសេចក្តីបញ្ជាណែនាំមួយដើម្បីសម្រួលឲ្យផ្នែកឧស្សាហកម្មកែច្នៃឈើ និងផលិតផលឈើវៀតណាមមានការរីកច្រើនយ៉ាងខ្លាងក្លា និងប្រកបដោយចរីភាព នាពេលខាងមុខនេះ៕
បកប្រែដោយ Duy Hoan