យុទ្ធនាការ “សមុទ្រវៀតណាមបៃតង”
កប.អនឡាញ - នារសៀល ថ្ងៃទី១៥ ឧសភា នៅទីក្រុងហាណូយ ក្រសួងវប្បធម៌ កីឡា និងទេសចរណ៍វៀតណាមបានសហការជាមួយមជ្ឈិមសម្ព័ន្ធយុវជនកុម្មុយនិស្តហូជីមិញរៀបចំសន្និសីទកាសែតសម្រាប់ឧទ្ទេសនាមយុទ្ធនាការ “សមុទ្រវៀតណាមបៃតង” សំដៅការពារបរិស្ថានក្នុងរដូវទេសចរណ៍ឆ្នាំ២០១៨ នៅខេត្ត Thanh Hoa ខេត្ត Nghe An ខេត្ត Quang Binh ខេត្ត Quang Tri និងទីក្រុង Da Nang។
ពិធីបំផុសនឹងប្រព្រឹត្តទៅនាព្រឹក ថ្ងៃទី១៨ ឧសភានៅទីលាន Binh Minh នៅទីរួមខេត្ត Cua Lo ខេត្ត Nghe An។ បន្ទាប់ពីពិធីបំផុស សមាជិកសម្ព័ន្ធយុវជននឹងធ្វើសម្អាតនៅឆ្នេរសមុទ្រ Cua Lo។ យុទ្ធនាការនឹងរៀបចំដល់ថ្ងៃទី២៦ ឧសភា។ ក្នុងឱកាសនេះដែរ គណៈកម្មការចាត់តាំងក៏រៀបចំការប្រឡងរូបថតនៅលើបណ្ដាញ facebook និងប្រគល់អំណោយឲ្យកូនចៅរបស់អ្នកនេសាទក្រីក្រដែលរៀនពូកែ។ល៕
បកប្រែដោយ Thuy Anh