សហគ្រាសស៊ុយអែតស្វែងរកឱកាសវិនិយោគនៅទីក្រុងហូជីមិញ
កប.អនឡាញ - កាលពីថ្ងៃទី ២៤ មេសា លោក Nguyen Thanh Phong ប្រធានគណៈកម្មាធិការប្រជាជនទីក្រុងហូជីមិញបានទទួលជួបគណៈប្រតិភូសហគ្រាសស៊ុយអែត ដឹកនាំដោយលោក Pereric Hogberg ឯកអគ្គរដ្ឋទូតស៊ុយអែតប្រចាំនៅវៀតណាម។ តំណាងសហគ្រាសស៊ុយអែតជូនព័ត៌មានអំពីវិស័យដែលសហគ្រាសស៊ុយអែតកំពុងដាក់ដំណើរការនៅតំបន់អាស៊ីអាគ្នេយ៍ និងទីក្រុងហូជីមិញ។
    |
 |
|
ថ្នាក់ដឹកនាំទីក្រុងហូជីមិញធ្វើការជាមួយសហគ្រាសស៊ុយអែត |
លោក Pereric Hogberg សំដែងនូវការជឿជាក់លើសក្ដានុពល និងការអភិវឌ្ឍរបស់ទីក្រុងហូជីមិញ ព្រមទាំងលោកបញ្ជាក់ថា សហគ្រាសស៊ុយអែតកំពុងស្វែងរកឱកាសវិនិយោគនៅវៀតណាមពីមួយថ្ងៃទៅមួយថ្ងៃកាន់តែច្រើន។
លោក Nguyen Thanh Phong មានបំណងចង់សហគ្រាសស៊ុយអែតបណ្ដាក់ទុនលើវិស័យហេដ្ឋរចនាសម្ព័ន្ធចរាចរណ៍ សុខាភិបាល ដោះស្រាយកាកសំណល់ៗល ព្រមទាំងលោកសន្យានឹងបង្កលក្ខណៈងាយស្រួលសម្រាប់សហគ្រាសស៊ុយអែតចូលមកវិនិយោគ និងជំរុញពាណិជ្ជកម្មនៅវៀតណាម៕
បកប្រែដោយ Pham Diep