ចំណាប់អារម្មណ៍ដោយទូកង
កប.អនឡាញ - ការប្រណាំងទូកងតែងតែទាក់ទាញអាម្មណ៍ប្រជាជនខេត្ដ Soc Trang និងភ្ញៀវទេសចរជាច្រើន។ លោកតា Kim Cho មានអាយុ ៧៥ ឆ្នាំ និងលោកតា Son Ngo មានអាយុ ៨៩ ឆ្នាំ នៅឃុំ Thoi An Hoi ស្រុក Ke Sach បានឲ្យដឹងថា ទូកងមានតាំងពីពេលប្រជាជនប្រកបមុខរបរដាំស្រូវទឹក។ ប្រជាពលរដ្ឋបានប្រើទូកង ដើម្បីធ្វើដំណើរទៅវិញទៅមក។
លោកតាទាំងពីរនេះបាននិនាយថា តាំងពីដើមមកក្នុងព្រៃមានសត្វសាហាវជាច្រើន ក្រោមទន្លេមានសត្វក្រពើជាច្រើន។ ប្រជាពលរដ្ឋធ្វើដំណើរតាមព្រៃគឺខ្លាចខ្លា ប៉ុន្ដែការធ្វើដំណើរតាមផ្លូវទឹកគឺខ្លាចក្រពើ។ ពីរូបព្រះពស់ Nagar គឺជាសត្វនិមិត្ដរូបរបស់ជនខ្មែរដែលធ្វើឲ្យសត្វក្រពើភ័យខ្លាច និងគេចខ្លួនបាត់ទៅ ដូច្នេះប្រជាពលរដ្ឋបានធ្វើទូកងមានរូបរាង្គដូចរូបនេះដែរ។
|
|
ក្រុមប្រណាំងទូកងត្រៀមខ្លួនប្រណាំង |
ទូកងមានប្រវែង ២៩ ដល់ ៣០ ម៉ែត្រ ទទឹង ២ ម៉ែត្រ។ ទូកងមានរូបរាង្គដូចពស់ ហើយក្បាលទូកងបានគូររូបភាពខ្លា ដំរី ដែលបង្ហាញភាពស្រស់ស្អាត ព្រមទាំងបង្ហាញកម្លាំងរបស់ទូកងដែរ។ ទាំងសងខាងទូកងបានចម្លាករូបភាពនាគ រូបភាពរលកទឹកជាដើម។
ទូកងដោយប្រជាពលរដ្ឋក្នុងភូមិ និងស្រុករួមចំណែកធ្វើឡើង។ ចំពោះជនរួមជាតិខ្មែរ ជីរភាពរបស់គេបានផ្សាភ្ជាប់ជាមួយវត្ដអារាមដែលជាកន្លែងសក្ដារបូជា។ ដូច្នេះក្នុងឱកាសបុណ្យចូលឆ្នាំថ្មីប្រពៃណី ប្រជាពលរដ្ឋបានរៀបចំបាយ សំឡរ ចំណី ផ្លែឈើប្រគេនវត្ដ។ នៅមណ្ឌលទីក្រុង Soc Trang មុនថ្ងៃរៀបចំការប្រណាំងទូកង ប្រជាជននៅគ្រប់ទិសទីបានមកទស្សនា។ ក្រុមប្រណាំងទូកងមួយចំនួនបានចាប់ផ្ដើមប្រកួតប្រជេង។ សងខាងមាត់ទន្លេលាតសន្ធឹងជិតពីរគីឡូម៉ែ្រត រាប់ពាន់នាក់ក្នុងខេត្ដនិងខេត្ដដទៃទៀត សម្បីតែភ្ញៀវបរទេសបានមកទស្សនាជាច្រើនដែរ។ ការប្រណាំងទូកងនៅវាលទំនាបទន្លេ Cuu Long និយាយរួម និងខេត្ដ Soc Trang និយាយដោយឡែកបានធ្វើឲ្យជនជាតិទាំងអស់កាន់តែជិតស្និទ្ធ និងសាមគ្គីភាពផងដែរ៕
បកប្រែដោយ Pham Diep