និមិត្តរូបនៃចំណងមិត្តភាពរវាងវៀតណាមនិងកម្ពុជា
កប.អនឡាញ - ក្នុងឱកាសរំលឹកខួបអនុស្សាវរីយ៍លើកទី ៤០ ឆ្នាំនៃដំណើរឆ្ពោះទៅកាន់ការស្វែងរកការរស់រានមានជីវិតឡើងវិញសម្រាប់ប្រទេសជាតិ (ថ្ងៃទី២១ មិថុនា ឆ្នាំ ១៩៧៧/ថ្ងៃទី២១ មិថុនា ឆ្នាំ២០១៧) សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានផ្តល់ជំនួយឧបត្ថម្ភជាផ្ទះវប្បធម៌ ជូនដល់ឃុំ Loc Thanh ស្រុក Loc Ninh ខេត្ត Binh Phuoc ប្រទេសវៀតណាម។ រយៈពេល ១ ឆ្នាំក្រោយមក ផ្ទះវប្បធម៌ Loc Thanh បានក្លាយទៅជាសារមន្ទីររក្សាទុកបណ្តារូបភាពនៃដំណើរការកសាងកងកម្លាំងប្រដាប់អាវុធសាមគ្គីសង្គ្រោះជាតិកម្ពុជា និងចំណងសាមគ្គីភាព មិត្តភាព វៀតណាម - កម្ពុជា ពីឆ្នាំ១៩៧៩ រហូតដល់បច្ចុប្បន្ន។
ថ្ងៃមួយ នៅខែធ្នូ ឆ្នាំ២០១៨ បន្ទាប់ពីជូនដំណឹងពីការដែលគណៈប្រតិភូតំបន់ប្រតិបត្តិការសឹករង និងបញ្ជាការដ្ឋានកងរាជអាវុធហត្ថខេត្តមណ្ឌលគីរី បានទៅទស្សនាផ្ទះវប្បធម៌ Loc Thanh ខ្ញុំបានជួបលោក Duong Van Than (អាយុ ៦០ ឆ្នាំ) ជាអ្នកការពារផ្ទះវប្បធម៌ និងជាមេក្រុមកងជីរពលឃុំ Loc Tan ដែលបាននាំសម្តេចតេជោ ហ៊ុន សែន ពេលនោះជាមេបញ្ជាការនៃកងវរសេនាធំលេខ ២១ យោធភូមិភាគខាងកើតប្រទេសកម្ពុជា រួមជាមួយ ៤ នាក់ទៀត ពីព្រៃព្រំដែន Hoa Lu ទៅកាន់ឃុំ Loc Tan មុនពេលមក គណៈបញ្ជាការស្រុក Loc Ninh ក្នុងដំណើរការឆ្ពោះទៅរកការសង្គ្រោះជាតិ កាលពី ៤១ ឆ្នាំមុន (ថ្ងៃទី២១ មិថុនា ឆ្នាំ១៩៧៧)។
    |
 |
|
សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដាំដើមឈើអនុស្សាវរីយ៍នៅផ្ទះវប្បធម៌ឃុំ Loc Thanh (រូបថត៖ baoquankhu7.vn) |
លោកបានរៀបរាប់ថា៖ បន្ទាប់ ៤០ ឆ្នាំក្រោយ នៅថ្ងៃទី ២១ មិថុថា ឆ្នាំ២០១៧ ខណៈពេលសម្តេចតេជោ ហ៊ុន សែន បំពេញទស្សនកិច្ចនៅស្រុក Loc Ninh ខ្ញុំទើបបានដឹងថា សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ជាម្នាក់ក្នុងចំណោម ៥ នាក់ដែលយើងខ្ញុំនាំមកគណៈបញ្ជាការឃុំ Loc Tan។
លោកបានបន្តទៀតថា៖ នៅវេលាម៉ោង ៩ ថ្ងៃទី២១ មិថុនា ឆ្នាំ១៩៧៧ ខ្ញុំពេលនោះជាមេក្រុមកងជីរពលឃុំ Loc Tan រួមជាមួយកងជីវពល ៣ នាក់ទៀត បានទទួលបញ្ជាទៅភូមិ Hoa Lu ស្ថិតនៅផ្លូវ 3B។ នៅខ្ទមនៃកងឈ្លប យើងខ្ញុំបានឃើញបុរសកម្ពុជា ៥ នាក់ ដែលពាក់ខោអាវខ្មៅ កំពុងអង្គុយនៅក្បែរភ្នក់ភ្លើង។ គ្រានោះ ស្ថានភាពសង្គ្រាមនៅព្រំដែនមានភាពតានតឹងណាស់។ ខ្ញុំឃើញពួកគេមិនមានអាវុធ មើលហាក់ដូចជាមិនមែនជាអ្នកអាក្រក់នោះទេ។ ប៉ុន្តែខ្ញុំនៅតែប្រុងប្រយ័ត្ន ហើយបានស្នើឲ្យពួកគេបើកកាបូបវេជ្ជសាស្ត្រ។ នៅក្នុងកាបូបវេជ្ជសាស្ត្រ គ្មានកាំបិត កាំភ្លើង ម្ហូបអាហារ និងទឹកទេ។ យើងខ្ញុំបាននាំពួកគេទៅគណៈបញ្ជាការឃុំ Loc Tan។ សេនាជន ៣ នាក់ទៅមុខខ្ញុំ។ សម្តេចតេជោ ហ៊ុន សែន ពេលនោះ មានអាយុវ័យក្មេង រូបរាងខ្ពស់ និងស្គម។ ខ្ញុំឃើញគាត់ឈឺដោយសារគ្រុនចាញ់ ហេតុដូច្នេះ ខ្ញុំបានជួយគាត់កាន់កាបូបស្ពាយ។ នៅពេលមកដល់គណៈបញ្ជាការឃុំ Loc Tan សានាជនម្នាក់ ឈ្មោះ Nguyen Van Thin បានបកប្រែជាភាសាខ្មែរជួយយើងខ្ញុំ។ សម្តេចតេជោ ហ៊ុន សែន បានស្នើឲ្យជួបកម្មាភិបាលជាន់ខ្ពស់របស់វៀតណាម ដើម្បីសូមជួយសង្គ្រោះប្រជាជនកម្ពុជារួចផុតពីរបបប្រល័យពូជសាសន៍។
ផ្ទះវប្បធម៌ Loc Thanh ស្ថិតនៅភូមិ Thanh Trung ឃុំ Loc Thanh ដែលជាមូលដ្ឋាននៃគណៈបញ្ជាការឃុំ Loc Tan ពី ៤១ ឆ្នាំមុន។ គណៈបញ្ជាការឃុំ Loc Tan គឺជាកន្លែងគូសបញ្ជាក់ការចាប់ផ្តើមនៃការតស៊ូយ៉ាងអង់អាចក្លាហានរបស់ប្រជាជនកម្ពុជា និងកងទ័ពស្ម័គ្រចិត្តវៀតណាម ដែលបំបែកបំបាក់របបប្រល័យពូជសាសន៍ ប៉ុល ពត និងនាំមកនូវសន្តិភាព និងកាអភិវឌ្ឍន៍យ៉ាងមាំមួនសម្រាប់ប្រទេសជាតិកម្ពុជា។ នេះក៏ជាការដឹងគុណរបស់សម្តេចតេជោ ហ៊ុន សែន ចំពោះប្រជាជនឃុំ Loc Thanh អំពីបណ្តាថ្ងៃដំបូងដែលសម្តេចនៅតំបន់ព្រំដែនវៀតណាម៕
បកប្រែដោយ Huyen Trang