យុវជនវៀតណាម - កម្ពុជាប្រកួតកីឡាមិត្តភាព
កប.អនឡាញ - ក្នុងឱកាសទិវាខួបលើកទី៤០ នៃការតស៊ូផ្តួលរំលំរបបខ្មែរក្រហម (ថ្ងៃទី ៧ ខែមករា ឆ្នាំ ១៩១៩ - ថ្ងៃទី ៧ ខែមករា ឆ្នាំ ២០១៩) នាថ្ងៃទី១៥ ខែធ្នូ ស្ថានទូតវៀតណាមប្រចាំនៅកម្ពុជាបានរៀបចំការប្រកួតបាល់ទាត់មិត្តភាព ឆ្នាំ ២០១៨ ។
|
|
ក្រុមបាល់ទាត់ទាំងអស់ចូលរួមការប្រកួត (រូបថត៖ vnanet.vn) |
ចូលរួមក្នុងការប្រកួតនេះមានបួនក្រុម៖ ក្រុមយុវជនស្ថានទូតវៀតណាម និងស្ថាប័នផ្សេងៗអមស្ថានទូត ក្រុមយុវជនគណបក្សប្រជាជនកម្ពុជា ក្រុមយុវជនក្រសួងការបរទេស និងសហប្រតិបត្តិការអន្តរជាតិកម្ពុជា និងក្រុមយុវជនក្រសួងមហាផ្ទៃកម្ពុជា។
អញ្ជើញចូលរួមពិធីបើកការប្រកួតបាល់ទាត់មានលោក Nguyen Trac Toan អគ្គទីប្រឹក្សានៃស្ថានទូតវៀតណាមប្រចាំនៅកម្ពុជា ឯកឧត្តម កែ ប៊ុនខៀង សមាជិកគណៈកម្មាធិការកណ្តាលគណបក្ស អនុប្រធានគណៈឃោសនាអប់រំ និងជាប្រធានក្រុមការងារយុវជនគណបក្សថ្នាក់កណ្តាល រួមជាមួយតំណាងនៃក្រសួងការបរទេស និងសហប្រតិបត្តិការអន្តរជាតិ ក្រសួងមហាផ្ទៃ និងមន្ត្រី យុវជនជាច្រើនមកពីក្រសួង ស្ថាប័ននានាបានចូលរួមក្នុងការប្រកួតនេះផងដែរ។
ថ្លែងក្នុងឱកាសនេះ តាងនាមស្ថានទូតវៀតណាមប្រចាំនៅកម្ពុជា លោក Nguyen Trac Toan បានថ្លែងអំណរគុណចំពោះថ្នាក់ដឹកនាំគណបក្សប្រជាជនកម្ពុជា ក្រសួងការបរទេស និងសហប្រតិបត្តិការអន្តរជាតិ ក្រសួងមហាផ្ទៃកម្ពុជា ដោយបានបង្កលក្ខណៈងាយស្រួល ក៏ដូចជាគាំទ្រយ៉ាងខ្លាំងចំពោះការប្រកួតបាល់ទាត់នេះ។ លោកបានបញ្ជាក់ថា ការប្រកួតបាល់ទាត់នេះត្រូវបានរៀបចំឡើងក្នុងបំណងពង្រឹងបន្ថែមទៀតនូវការយល់ដឹង ការផ្សារភ្ជាប់គ្នារវាងយុវជននៃប្រទេសទាំងពីរ ឆ្ពោះទៅការរំលឹកខួបទី៤០ នៃទិវាជ័យជំនះជាប្រវត្តិសាស្ត្រ នៅថ្ងៃទី៧ ខែមករា ឆ្នាំ១៩៧៩។
ចំណែកឯកឧត្តម កែ ប៊ុនខៀង បញ្ជាក់ថា តាមរយៈការប្រកួតបាល់ទាត់ យុវជននៃប្រទេសទាំងពីរ និងក្រសួង ស្ថាប័ន និងអង្គការនានានៃប្រទេសទាំងពីរ នឹងមានលក្ខណៈងាយស្រួលបន្ថែមទៀត ក្នុងការពង្រឹង និងពង្រីកទំនាក់ទំនងមិត្តភាព និងកិច្ចសហប្រតិបត្តិការជាក់ស្តែង នៅឱកាសអបអរសាទរខួបលើកទី ៤០ នៃការផ្តួលរំលំរបបប្រល័យពូជសាសន៍ប៉ុលពត រំលឹកគុណូបការៈរបស់យុទ្ធជន និងប្រជាជនកម្ពុជាស្នេហាជាតិ និងកងទ័ពស្ម័គ្រចិត្តវៀតណាមដែលបានពលីគ្រប់បែបយ៉ាង ដើម្បីការរស់រានឡើងវិញរបស់ប្រទេសកម្ពុជា៕
បកប្រែដោយ Duy Hoan