គណៈប្រតិភូជាន់ខ្ពស់កងទ័ពជើងទឹកនៃកងយោធពលខេមរភូមិន្ទបំពេញទស្សនកិច្ចនៅបណ្ឌិតសភាកងទ័ពជើងទឹកវៀតណាម
កប.អនឡាញ - នារសៀលថ្ងៃទី១៣ ខែធ្នូ នៅទីក្រុង Nha Trang ខេត្ត Khanh Hoa វៀតណាម គណៈប្រតិភូជាន់ខ្ពស់កងទ័ពជើងទឹកនៃកងយោធពលខេមរភូមិន្ទដឹកនាំដោយលោកឧត្តមនាវីឯក មាន វ៉ា មេបញ្ជាការរងកងទ័ពជើងទឹក នៃកងយោធពលខេមរភូមិន្ទបានបំពេញទស្សនកិច្ច និងស្វែងយល់អំពីការងារបណ្ដុះបណ្ដាលនៅបណ្ឌិតសភាកងទ័ពជើងទឹកវៀតណាម។ លោកឧត្តមនាវីត្រី Nguyen Van Lam នាយកបណ្ឌិតសភាបានទទួលជួបគណៈប្រតិភូ។
លោក មាន វ៉ា បានវាយតំលៃខ្ពស់ចំពោះលទ្ធផលនៃកិច្ចសហប្រតិបត្តិការទ្វេភាគី និងជំនួយក្នុងការបណ្ដុះបណ្ដាលមន្រ្តី និងនាយទាហាននៃកងទ័ពជើងទឹកកម្ពុជារបស់បណ្ឌិតសភាកងទ័ពជើងទឹកវៀតណាម។ លោកសង្កត់ធ្ងន់ថា ការបណ្ដុះបណ្ដាលនាយទាហានកងទ័ពជើងទឹកនៃកងយោធពលខេមរភូមិន្ទ និងការចាត់បញ្ចូនកម្មាភិបាល នាយទាហានជួយកងទ័ពជើងទឹកកម្ពុជាក្នុងការកសាងកម្មវិធីបណ្ដុះបណ្ដាលឲ្យសាលាហ្វឹកហ្វឺនកងទ័ពជើងទឹកកម្ពុជារបស់កងទ័ពជើងទឹកវៀតណាមនៅពេលកន្លងមកបានរួមចំណែកពង្រីកប្រពៃណីរជាភាពជាអ្នកជិតខាងរល្អវាងវៀតណាមនិងកម្ពុជា។ បន្ទាប់ពីកិច្ចប្រជុំ គណៈប្រតិភូបានទៅជួបសំណេះសំណាលជាមួយសិក្ខាកាមកម្ពុជាដែលកំពុងសិក្សារៀនសូត្រនៅបណ្ឌិតសភាកងទ័ពជើងទឹកវៀតណាម៕
បកប្រែដោយ Thuy Anh