សាលានាយទាហានវិទ្យុទាក់ទងវៀតណាមចងសម្ព័ន្ធមេត្រីភាពជាមួយមជ្ឈមណ្ឌលហ្វឹកហ្វឺន និងជួសជុលបញ្ជូនសារ នៃក្រសួងការពារជាតិកម្ពុជា
កប.អនឡាញ - នាថ្ងៃ២៧ តុលា សាលានាយទាហានវិទ្យុទាក់ទងវៀតណាមបានរៀបចំពិធីចងសម្ព័ន្ធមេត្រីភាពជាមួយមជ្ឈមណ្ឌលហ្វឹកហ្វឺន និងជួសជុលបញ្ជូនសារ នៃនាយកដ្ឋានបញ្ជូនសារ ក្រសួងការពារជាតិកម្ពុជា ដោយមានការអញ្ជើញជាសាក្សីពីតំណាងស្ថាប័ន នៃក្រសួងការពារប្រទេសវៀតណាម និងក្រសួងការពារជាតិព្រះរាជាណាចក្រកម្ពុជា។
ក្នុងឱកាសនេះ អង្គភាពទាំងពីរបានពិភាក្សា ឯកភាព និងចុះហត្ថលេខាលើកំណត់ហេតុចងសម្ព័ន្ធមេត្រីភាពសហប្រតិបត្តិការនៅឆ្នាំ២០១៨ - ២០១៩ និងប៉ុន្មានឆ្នាំខាងមុខនេះ។
ទន្ទឹមនឹងនោះ ភាគីទាំងពីរនឹងពង្រឹងកិច្ចសហប្រតិបត្តិការយ៉ាងជិតស្និទ្ធក្នុងការអនុវត្តគម្រោងស្រាវជ្រាវវិទ្យាសាស្រ្ត និងផ្ទេរប្រគល់បច្ចេកវិទ្យា បង្កលក្ខណៈងាយស្រួលក្នុងការអនុវត្តការផ្លាស់ប្តូរគ្រូបង្រៀន កម្មាភិបាលស្រាវជ្រាវ និងកម្មាភិបាលគ្រប់គ្រង និងផ្លាស់ប្តូរគណៈប្រតិភូរវាងប្រទេសទាំងពីរ៕
បកប្រែដោយ Thuy Anh