អគ្គលេខាបក្សកុម្មុយនិស្តវៀតណាម លោក Nguyen Phu Trong ផ្ញើសារជូនពរជូនចំពោះគណៈកម្មាធិការកណ្តាលគណបក្សប្រជាជនកម្ពុជា
កប.អនឡាញ - នៅក្នុងឱកាសប្រទេសកម្ពុជាបានរៀបចំការបោះឆ្នោតជ្រើសតាំងតំណាងរាស្រ្ត នីតិកាលទី៦ ប្រកបដោយជោគជ័យ និងគណបក្សប្រជាជនកម្ពុជាទទួលបានជ័យជម្នះក្នុងការបោះឆ្នោតនេះ នៅថ្ងៃទី១១ ខែសីហា ឆ្នាំ២០១៨ អគ្គលេខាបក្សកុម្មុយនិស្តវៀតណាម លោក Nguyen Phu Trong បានផ្ញើសារជូនពរជូនចំពោះគណៈកម្មាធិការកណ្តាលគណបក្សប្រជាជនកម្ពុជា និងសម្តេចតេជោ ហ៊ុន សែន ប្រធានគណបក្សប្រជាជនកម្ពុជា។
|
|
អគ្គលេខាបក្សកុម្មុយនិស្តវៀតណាម លោក Nguyen Phu Trong (រូបថត៖ infonet.vn) |
សារលិខិតនេះមានខ្លឹមសារដូចជា៖
“គណៈកម្មាធិការមជ្ឈិមបក្សកុម្មុយនិស្តវៀតណាម ពិតជាមានការសប្បាយ រីករាយយ៉ាងក្រៃលែងចំពោះការដែលប្រទេសកម្ពុជាបានរៀបចំការបោះឆ្នោតជ្រើសតាំងតំណាងរាស្ត្រ នីតិកាលទី៦ នៅថ្ងៃទី២៩ ខែកក្កដា ឆ្នាំ២០១៨ ប្រកបដោយជោគជ័យ សេរី ប្រជាធិបតេយ្យ យុត្តិធម៌ សន្តិសុខ សុវត្តិភាព ហើយគណបក្សប្រជាជនកម្ពុជាដណ្តើមបានជ័យជម្នះយ៉ាងធំធេង”
យើងខ្ញុំជឿជាក់យ៉ាងមុតមាំថា ដោយមានការគាំទ្រពីប្រជាជនកម្ពុជា រដ្ឋសភា និងរាជរដ្ឋាភិបាលថ្មីរបស់ប្រទេសកម្ពុជានឹងត្រូវបានបង្កើតឡើងនាពេលឆាប់ៗខាងមុខនេះដើម្បីបន្តដឹកនាំប្រជាជនកម្ពុជាឆ្លងកាត់រាល់ឧបសគ្គ កសាងប្រទេសកម្ពុជាមួយប្រកបដោយសន្តិភាព អព្យាក្រឹត ប្រជាធិបតេយ្យ និងវឌ្ឍនភាពសង្គម និងមានទំនាក់ទំនងមិត្តភាពជាមួយគ្រប់ប្រទេសនៅលើពិភពលោក ជាពិសេសជាមួយបណ្តាប្រទេសជិតខាង និងនៅក្នុងតំបន់ផងដែរ"៕
បកប្រែដោយ Duy Hoan