សាខាខ្មែរ-វៀតណាមនៅកម្ពុជាចាប់ផ្ដើមដំណើរការជាផ្លូវការ
កប.អនឡាញ - នារសៀល ថ្ងៃទី១៦ មិថុនា នៅទីស្នាក់ការសមាគមខ្មែរ-វៀតណាមនៅកម្ពុជាបានប្រព្រឹត្តឡើងពិធីប្រគល់សេចក្តីសម្រេចចិត្ត លក្ខ័ន្តិកៈ និងត្រា ឲ្យបណ្តាសាខាចំណុះដែលបានទទួលស្គាល់ដោយក្រសួងមហាផ្ទៃកម្ពុជា។
|
|
ប្រគល់សេចក្តីសម្រេចចិត្ត លក្ខ័ន្តិកៈ និងត្រា (រូបថត៖ nhandan.com.vn) |
អញ្ជើញចូលរួមពិធីមានវត្តមានរបស់លោក Vu Quang Minh ឯកអគ្គរដ្ឋទូតវៀតណាមប្រចាំនៅកម្ពុជា លោក Chau Van Chi ប្រធានសមាគមខ្មែរ-វៀតណាមនៅកម្ពុជា តំណាងសាខាខេត្ត ទីក្រុងចំណុះសមាគមខ្មែរ-វៀតណាមនៅកម្ពុជា និងសមាជិកសមាគមជាច្រើនកុះករ។
លោក Vu Quang Minh បានសម្ដែងនូវក្តីរីករាយចំពោះស្នាដៃដែលសមាគមខ្មែរ-វៀតណាមនៅកម្ពុជាសម្រេចបាន ព្រមទាំងអំពាវនាវឲ្យសមាជិកសមាគមទាំងអស់ខិតខំ ប្រឹងប្រែងឆ្លងកាត់ការលំបាក អនុវត្តល្អបានគោលដៅរបស់សមាគម។ លោក Vu Quang Minh និងតំណាងទាំងឡាយបានធ្វើជាសាក្សីក្នុងពិធីប្រគល់សេចក្តីសម្រេចចិត្ត លក្ខ័ន្តិកៈ និងត្រាឲ្យបណ្តាសាខាខ្មែរ-វៀតណាមនៅកម្ពុជា៕
បកប្រែដោយ Thuy Anh