ជួបជុំរំលឹកខួបលើកទី៤០ នៃទិវាបង្កើតក្រុមជំនាញការយោធា៤៧៨នៃក្រសួងការពារប្រទេស
កប.អនឡាញ - នាថ្ងៃទី២១ ខែមេសា នៅទីក្រុងហាណូយ គណៈកម្មការទំនាក់ទំនងអតីតជំនាញការយោធា នៃក្រសួងការពារប្រទេស និងសមាគមមិត្តភាពវៀតណាម-កម្ពុជា បានរៀបចំការជួបជុំរំលឹកខួបលើកទី៤០ នៃទិវាបង្កើតក្រុមជំនាញការយោធា៤៧៨ នៃក្រសួងការពារប្រទេស (ថ្ងៃទី២១ ខែមេសា ឆ្នាំ១៩៧៨ - ថ្ងៃទី២១ ខែមេសា ឆ្នាំ២០១៨)។
|
|
អ្នកតំណាងទាំងឡាយថតរូបទុកជាអនុស្សាវរីយ៍ |
ក្នុងរយៈពេល១០ឆ្នាំបំពេញការងារនៅប្រទេសកម្ពុជា កម្មាភិបាល ជំនាញការ ៤៧៨ បានជួយអោយក្រសួងការពារជាតិមិត្តបង្កើតឡើងនូវស្ថាប័នសេនាធិការ នយោបាយ ភស្តុភា បច្ចេកទេស សារព័ត៌មាន វិទ្យុសម្លេង និងអង្គភាពចំណុះមួយចំនួនទៀត និងជួយណែនាំអោយមន្ត្រីរបស់មិត្តផង។ ក្រុមជំនាញការ៤៧៨ ក៏រួមចំណែកក្នុងការជួយកសាងគោលការណ៍ គោលនយោបាយ ផែនការប្រយុទ្ធ ផែនការការពារទប់ទល់ និងកសាងកងកំលាំងប្រដាប់អាវុធប្រជាជនកម្ពុជាផងដែរ។
ក្នុងជំនួប អ្នកតំណាងទាំងឡាយបានរំលឹកឡើងវិញនូវប្រពៃណីដ៏ត្រចះត្រចង់របស់ក្រុមជំនាញការ ក៏ដូចជាការចែករំលែកនូវអនុស្សាវរីយ៍នៅពេលបំពេញការងារនៅប្រទេសកម្ពុជា ព្រមទាំងបានលើកទឹកចិត្តគ្នាទៅវិញទៅមក បន្តខិតខំប្រឹងប្រែងតស៊ូអោយក្លាយជាកក្តារសំខាន់ក្នុងការកសាងចំណងមិត្តភាពអន្តរជាតិដ៏រឹងមាំរបស់វៀតណាមជាមួយមិត្តអន្តរជាតិ៕
បកប្រែដោយ Duy Hoan