ពិធីបើកសម្ពោធដំណាក់កាលទី១ នៃគម្រោងកសាងស្ថានីយ៍ផ្សាយសម្លេងចំនួន៩សម្រាប់កម្ពជា
នាថ្ងៃទី១៦ វិច្ឆិកា នៅខេត្តកំពង់ចាម លោក Nguyen The Ky អគ្គនាយកវិទ្យុសម្លេងវៀតណាម និង លោក ខៀវ កាញារីទ្ធ រដ្ឋមន្ត្រីក្រសួងព័ត៌មានកម្ពុជា បានអញ្ជើញជាអធិបតីពិធីកាត់ខ្សែបូរសម្ពោធដំណាក់កាលទី១ នៃគម្រោងការ វិនិយោគកសាងស្ថានីយ៍ផ្សាយសម្លេង FM និងស្ថានីយ៍ទូរទស្សន៍ ដែលឧបត្ថម្ភដោយរដ្ឋាភិបាលវៀតណាមតាមរយៈវិទ្យុសម្លេង វៀតណាម។
លោក Nguyen The Ky អគ្គវិទ្យុសម្លេងវៀតណាមថ្លែងមតិក្នុងពិធី
អញ្ជើញថ្លែងមតិក្នុងពិធី រដ្ឋមន្ត្រីក្រសួងព័ត៌មានកម្ពុជា លោក ខៀវ កាញារិទ្ធ បានតាងនាមរាជរដ្ឋាភិបាលកម្ពុជា ថ្លែងអំណរគុណចំពោះការជួយឧបត្ថម្ភជាក់ស្តែងដែលរដ្ឋាភិបាលវៀតណាមបានជួយកម្ពុជាលើគ្រប់វិស័យ ក្នុងនោះមានវិស័យព័ត៌មាន។ រីឯខ្លួនវិញ លោក Nguyen The Ky បានសង្កត់ធ្ងន់ថា៖
“ខ្ញុំជឿជាក់ថា ស្ថានីយ៍ផ្សាយសម្លេង និងទូរទស្សន៍រួមទាំងប្រព័ន្ធសំភារៈឧបករណ៍ផលិតកម្មវិធីព្រមៗគ្នា ទំនើប ឧបត្ថម្ភដោយរដ្ឋាភិបាល និង ប្រជាជនវៀតណាមសម្រាប់រាជរដ្ឋាភិបាល និងប្រជាជនកម្ពុជានោះនឹងពង្រីកដោយប្រសិទ្ធភាពដ៏ល្អប្រសើរ ហើយជួយបើកទូលាយនិងលើកកំពស់សមត្ថភាពផលិតកម្មវិធីនិងគុណភាពរលកទូរទស្សន៍ រួមចំណែកក្នុងការកសាងនិងអភិវឌ្ឍន៍កម្ពុជាដ៏រុងរឿងនិងវិបុលភាព”៕
តាម៖ vovworld.vn