កិច្ចប្រជុំអំពីការការពារព្រំដែនរវាងកងទ័ពការពារព្រំដែនខេត្ត Tay Ninh វៀតណាម និងកងកម្លាំងប្រដាប់អាវុធកម្ពុជា
កប.អនឡាញ - នាថ្ងៃទី១៤ ខែមីនា បញ្ជាការដ្ឋានកងទ័ពការពារព្រំដែនខេត្ត Tay Ninh បានរៀបចំកិច្ចប្រជុំអំពីកិច្ចសហការការពារព្រំដែនឆ្នាំ២០១៩ ជាមួយកងកម្លាំងប្រដាប់អាវុធនៃខេត្តជាប់ព្រំដែនជាមួយខេត្ត Tay Ninh របស់កម្ពុជាចំនួន៣។
ក្នុងកិច្ចប្រជុំ ភាគីទាំងពីរបានវាយតំលៃចំពោះលទ្ធផលនៃកិច្ចសហការការពារព្រំដែនឆ្នាំ២០១៨។ ក្នុងឆ្នាំ២០១៨ កងកម្លាំងការពារព្រំដែននៃប្រទេសទាំងពីរបានបំពេញល្អភារកិច្ចរក្សាសន្តិសុខនយោបាយ សណ្ដាប់ធ្នាប់ សុវត្ថិភាពសង្គមនៅសងខាងព្រំដែន។
|
|
តំណាងនៃភាគីទាំងពីរចុះហត្ថលេខាលើបទបញ្ញាតិសហការក្នុងការគ្រប់គ្រងការពារព្រំដែន និងបង្ការបង្ក្រាបនឹងបទល្មើសឆ្នាំ២០១៩ (រូបថត៖ bienphong.com.vn) |
តាងនាមថ្នាក់ដឹកនាំនៃខេត្ត Tay Ninh លោក Tran Van Chien អនុប្រធានគណៈកម្មាធិការប្រជាជនខេត្ត Tay Ninh បានវាយតំលៃខ្ពស់ចំពោះលទ្ធផលដែលកងកម្លាំងការពារព្រំដែនរបស់ភាគីទាំងពីរទទួលបានក្នុងការសហការ ព្រមទាំងរំពឹងថា នៅពេលខាងមុខនេះ កងកម្លាំងការពារព្រំដែននៃប្រទេសទាំងពីរនឹងបន្តពង្រីកទំនាក់ទំនងសាមគ្គីភាព មិត្តភាពជាអ្នកជិតខាងល្អ សហការក្នុងការតស៊ូដើម្បីទប់ស្កាត់ឧក្រិដ្ឋកម្មឆ្លងដែន រួមចំណែកក្នុងការកសាងព្រំដែនប្រកបដោយសន្តិភាព មិត្តភាព កិច្ចសហប្រតិបត្តិការ និងអភិវឌ្ឍ។ ភាគីទាំងពីរបន្តសហការក្នុងការងារខណ្ឌសីមា និងការបោះបង្គោលព្រំដែននៅតាមព្រំដែន ផ្តោតទៅលើការឃោសនាដល់ប្រជាជននៅតាមសងខាងព្រំដែនអំពីការអនុវត្តដោយត្រឹមត្រូវទៀងទាត់នូវច្បាប់ និងកិច្ចព្រមព្រៀងស្តីពីបទបញ្ជាគ្រប់គ្រងព្រំដែន។
|
|
លោក Tran Van Chien ជូនអំណោយឲ្យតំណាងកម្ពុជា (រូបថត៖ bienphong.com.vn) |
ក្នុងកិច្ចប្រជុំ តំណាងនៃភាគីទាំងពីរបានចុះហត្ថលេខាលើបទបញ្ញាតិសហការក្នុងការគ្រប់គ្រងការពារព្រំដែន និងបង្ការបង្ក្រាបនឹងបទល្មើសឆ្នាំ២០១៩។
នៅពេលបញ្ចប់កិច្ចប្រជុំ តាងនាមថ្នាក់ដឹកនាំខេត្ត Tay Ninh លោក Tran Van Chien បានជូនអំណោយឲ្យតំណាងភាគីកម្ពុជា៕
បកប្រែដោយ Thanh Cong