គណៈប្រតិភូខេត្តកំពង់ស្ពឺអញ្ជើញមកទស្សនកិច្ច និងជូនពរឆ្នាំថ្មីដល់ខេត្ត Vinh Long
កប.អនឡាញ - នៅថ្ងៃទី ២៤ ខែមករា គណៈប្រតិភូខេត្តកំពង់ស្ពឺ ដឹកនាំលោក Sor SoPutra អភិបាលរងខេត្ត បានអញ្ជើញមកជូនពរឆ្នាំថ្មីដល់ថ្នាក់ដឹកនាំខេត្ត Vinh Long។ លោក Tran Van Ron សមាជិកគណៈកម្មាធិការមជ្ឈិមបក្ស លេខានៃគណៈកម្មាធិការបក្សខេត្ត Vinh Long បានអញ្ជើញទទួលជួបគណៈប្រតិភូ។
|
|
លោក Tran Van Ron ប្រគល់វត្ថុអនុស្សាវរីយ៍ជូនដល់ថ្នាក់ដឹកនាំខេត្តកំពង់ស្ពឺ (រូបថត៖ nhandan.com.vn) |
នៅឯជំនួប លោក Sor SoPutra បានសម្តែងនូវការសប្បាយរីករាយ និងការដឹងគុណយ៉ាងជ្រាលជ្រៅចំពោះការជួយគាំទ្រលើវិស័យជាច្រើន ដែលប្រទេសវៀតណាម ជាពិសេសខេត្ត Vinh Long បានផ្តល់ជូនប្រទេសកម្ពុជានាប៉ុន្មានឆ្នាំថ្មីៗនេះ។ លោក Sor SoPutra សង្សឹមថានឹងទទួលបានការវិនិយោគទុនពីខេត្ត Vinh Long ក្នុងការសាងសង់ហេដ្ឋារចនាសម្ព័ន្ធសម្រាប់វិស័យអប់រំរបស់ខេត្តកំពង់ស្ពឺ។
លោក Sor SoPutra ជឿជាក់ថា ចំណងមិត្តភាព និងសាមគ្គីភាពរវាងប្រជាជន នៃប្រទេសទាំងពីរនឹងស្ថិតស្ថេរចីរកាល និងអភិវឌ្ឍជានិច្ច ហើយសង្ឃឹមថា ជំនាន់ក្រោយនឹងបន្តពង្រីកប្រពៃណីដ៏ល្អប្រសើនេះ។
ក្នុងឱកាសឆ្នាំថ្មីប្រពៃណីជាតិវៀតណាម លោក Sor SoPutra បានជូនពរឆ្នាំថ្មីដល់ថ្នាក់ដឹកនាំខេត្ត Vinh Long កងកម្លាំងប្រដាប់អាវុធ និងប្រជាជនខេត្ត Vinh Long អោយទទួលបាននូវសុខដុមរមនា សុភមង្គល និងជ័យជំនះថ្មីៗជាច្រើនថែមទៀត។
លេខា នៃគណៈកម្មាធិការបក្សខេត្ត Vinh Long លោក Tran Van Ron បានថ្លែងអំណរគុណចំពោះគណៈប្រតិភូខេត្តកំពង់ស្ពឺដែលបានមកជូនពរឆ្នាំថ្មី ក្នុងឱកាសបុណ្យចូលឆ្នាំថ្មីប្រពៃណីជាតិវៀតណាម។ លោក Tran Van Ron វាយតំលៃខ្ពស់ចំពោះស្មារតីមិត្តភាពរវាងខេត្តទាំងពីរ ហើយក៏បានជម្រាបជូនគណៈប្រតិភូអំពីសមិទ្ធិផលល្អៗរបស់ខេត្តដែលសម្រេចបាននៅឆ្នាំ២០១៨។ ព្រមទាំង លោកសង្សឺមថា មនោសញ្ចេតនារវាងបក្ស រដ្ឋាភិបាល និងប្រជាជន នៃប្រទេសទាំងពីរវៀតណាម - កម្ពុជា ក៏ដូចជាខេត្ត Vinh Long និងខេត្តកំពង់ស្ពឺនឹងត្រូវបានពង្រឹង និងពង្រីកជានិច្ច។
ក្នុងឱកាសនោះដែរ គណៈប្រតិភូខេត្តកំពង់ស្ពឺក៏បានទៅទស្សកិច្ច និងជូនពរឆ្នាំថ្មីដល់គណៈកម្មាធិការប្រជាជនខេត្ត Vinh Long និងបញ្ជាការដ្ឋានយោធាខេត្ត Vinh Long ផងដែរ។
បកប្រែដោយ Duy Hoan