ពង្រីកកិច្ចសហប្រតិបត្តិការរវាងយោធភូមិភាគទី៧ នៃកងទ័ពប្រជាជនវៀតណាម និងបញ្ជាការដ្ឋានទ័ពជើងគោក នៃកងយោធពលខេមរភូមិន្ទ
កប.អនឡាញ - នាថ្ងៃទី១២ ខែធ្នូ នៅរាជធានីភ្នំពេញ គណៈប្រតិភូជាន់ខ្ពស់ នៃបញ្ជាការដ្ឋានយោធភូមិភាគទី៧ ដឹកនាំដោយលោកឧត្តមសេនីយ៍ទោ Vo Minh Luong មេបញ្ជាការយោធភូមិភាគទី៧ បានអញ្ជើញចូលរួមកិច្ចប្រជុំវាយតំលៃលទ្ធផលនៃកិច្ចសហប្រតិបត្តិការឆ្នាំ ២០១៧ - ២០១៨ និងចុះហត្ថលេខាលើកិច្ចព្រមព្រៀងស្តីពីកិច្ចសហប្រតិបត្តិការសម្រាប់ឆ្នាំ ២០១៩ - ២០២០ រវាងបញ្ជាការដ្ឋានយោធភូមិភាគទី៧ នៃកងទ័ពប្រជាជនវៀតណាម និងបញ្ជាការដ្ឋានកងទ័ពជើងគោក នៃកងយោធពលខេមរភូមិន្ទ។
    |
 |
|
ថ្នាក់ដឹកនាំនៃអង្គភាពទាំងពីរក្នុងពិធីចុះហត្ថលេខាលើកិច្ចព្រមព្រៀងស្តីពីកិច្ចសហប្រតិបត្តិការ |
ក្នុងកិច្ចប្រជុំ ភាគីទាំងពីរបានឯកភាពថា នឹងបន្តអនុវត្តរាល់ខ្លឹមសារនៃកិច្ចព្រមព្រៀងដែលបានចុះហត្ថលេខា បង្កើនការផ្លាស់ប្ដូរព័ត៌មាន ការយាមល្បាតរួមគ្នា និងការការពារព្រំដែន បន្តសហការជាមួយក្នុងការប្រយុទ្ធប្រឆាំងនឹងភេរវកម្ម ការឆ្លងដែនខុសច្បាប់; ជម្រុញការងារខណ្ឌសីមា និងបោះបង្គោលព្រំដែនគោក; បន្តផ្សព្វផ្សាយដល់ប្រជាជននៅសងខាងព្រំដែនឲ្យអនុវត្តបានល្អនូវកិច្ចព្រមព្រៀងរបស់រដ្ឋាភិបាលនៃប្រទេសទាំងពីរ;
ភាគីទាំងពីរប្ដេជ្ញាចិត្ត នឹងបន្តពង្រឹង និងពង្រីកទំនាក់ទំនងសាមគ្គីភាព មិត្តភាព និងកិច្ចសហប្រតិបត្តិការជាប្រពៃណីរវាងប្រទេសទាំងពីរ ជាពិសេសគឺសហការល្អជាមួួយគ្នាក្នុងការកសាងខ្សែព្រំដែនមានសន្តិភាព មិត្តភាព កិច្ចសហប្រតិបត្តិការ និងការអភិវឌ្ឍន៍ប្រកបដោយចីរភាព៕
បកប្រែដោយ Thanh Cong