គណៈប្រតិភូនៃអគ្គស្នងការដ្ឋាននគរបាលជាតិកម្ពុជាចាប់ផ្តើមដំណើរទស្សនកិច្ចការងារនៅវៀតណាម

លោកវរសេនីយ៍ឯក Pham Thai Son ទទួលស្វាគមន៍ឯកឧត្តម នាយឧត្តមសេនីយ៍ ដាំ វុទ្ធី (រូបថត៖ bienphong.com.vn)

គណៈប្រតិភូនៃអគ្គស្នងការដ្ឋាននគរបាលជាតិ ក្រសួងមហាផ្ទៃ នៃព្រះរាជាណាចក្រកម្ពុជារួមមានសមាជិកចំនួន ២៥ នាក់ ដែលជានាយទាហានជាន់ខ្ពស់ នៃស្ថាប័នជំនាញនានា នៃអគ្គស្នងការដ្ឋាននគរបាលជាតិ ក្រសួងមហាផ្ទៃ នៃព្រះរាជាណាចក្រកម្ពុជា។ គណៈប្រតិភូនឹងធ្វើការនៅវៀតណាមចាប់ពីថ្ងៃទី ១១ ដល់ថ្ងៃទី ១៣ ខែធ្នូ ឆ្នាំ ២០១៨ ។

ភាគីទាំងពីរនឹងធ្វើកិច្ចពិភាក្សាដើម្បីវាយតម្លៃអំពីលទ្ធផលនៃកិច្ចសហប្រតិបត្តិការវាងកងទ័ពការពារព្រំដែនវៀតណាម និងអគ្គស្នងការដ្ឋាននគរបាលជាតិ ក្រសួងមហាផ្ទៃ នៃព្រះរាជាណាចក្រកម្ពុជា ក្នុងការប្រយុទ្ធប្រឆាំងនឹងឧក្រិដ្ឋកម្មឆ្លងដែន និងការធានាសន្តិសុខ និងសណ្តាប់ធ្នាប់នៅតាម​តំបន់ព្រំដែន និងច្រកទ្វារព្រំដែន ក៏ដូចជារផ្លាស់ប្តូរ និងឯកភាពលើទិសដៅនៃកិច្ចសហប្រតិបត្តិការនៅពេលខាងមុខផងដែរ៕

បកប្រែដោយ Duy Hoan