វៀតណាមនិងកម្ពុជាពង្រីកកិច្ចសហប្រតិបត្តិការលើវិស័យទេសចរណ៍
កប.អនឡាញ - នាព្រឹកថ្ងៃទី១១ តុលា ផ្សារណាត់ទេសចរណ៍កម្ពុជាឆ្នាំ២០១៨ បានបើកជាផ្លូវការនៅសាលសន្និសីទ និងពិព័រណ៌កោះពេជ្យ នៅរាជធានីភ្នំពេញ។
ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ លោក ថោង ខុន រដ្ឋមន្រ្តីក្រសួងទេសចរណ៍កម្ពុជា និងលោក Vu Quang Minh ឯកអគ្គរដ្ឋទូតវៀតណាមប្រចាំនៅកម្ពុជា រួមជាមួយតំណាងក្រុមហ៊ុនអាកាសចរណ៍ ក្រុមហ៊ុនទេសចរណ៍នៃប្រទេសជាច្រើន បានចូលរួមពិធីបើកនេះ។
|
|
ស្តង់របស់ក្រុមហ៊ុនវៀតណាមក្នុងផ្សារណាត់ (រូបថត៖ nhandan.com.vn) |
ផ្សារណាត់ទេសចរណ៍កម្ពុជាឆ្នាំ២០១៨ បានរៀបចំឡើងដោយក្រសួងទេសចរណ៍កម្ពុជា និងមានការចូលរួមពីសហគ្រាសជាង ៥០០ មកពីប្រទេសចំនួន៨០ លើពិភពលោក សំដៅផ្សព្វផ្សាយផលិតផលទេសចរណ៍ និងសេវាកម្មរបស់កម្ពុជាដល់ពិភពលោក ព្រមទាំង ជម្រុញកិច្ចសហប្រតិបត្តិការរវាងផ្នែកទេសចរណ៍ សេវាកម្មរបស់កម្ពុជា ជាមួយដៃគូលើពិភពលោក។ ផ្សារណាត់ទេសចរណ៍លើកនេះបានប្រព្រឹត្តទៅពីថ្ងៃទី១១ ដល់ថ្ងៃទី១៣ តុលា។ លោក សូ ម៉ារ៉ា រដ្ឋលេខាធិការក្រសួងទេសចរណ៍កម្ពុជាបានឲ្យដឹងថា នេះជាឱកាសដ៏ល្អសម្រាប់សហគ្រាសមកពីប្រទេសចំនួន៨០ លើពិភពលោកផ្លាស់ប្តូរព័ត៌មាន ជម្រុញចំនួនភ្ញៀវទេសចរមកប្រទេសកម្ពុជា និងផ្ទុយទៅវិញ។
ក្នុងឱកាសនេះ លោករដ្ឋលេខាធិការក្រសួងទេសចរណ៍កម្ពុជាបានវាយតំលៃខ្ពស់ចំពោះកិច្ចសហប្រតិបត្តិការលើវិស័យទេសចរណ៍រវាងប្រទេសទាំងពីរកម្ពុជានិងវៀតណាម។ នៅពេលកន្លងមក ភាគីទាំងពីរបានផ្លាស់ប្តូរគណៈប្រតិភូគ្រាប់ជាន់ថ្នាក់ដើម្បីទៅទស្សនកិច្ចសិក្សា ស្វែងរកឱកាសវិនិយោគ និងអភិវឌ្ឍវិស័យទេសចរណ៍។ ក្នុងផ្សារណាត់នេះក៏មានសហគ្រាសវៀតណាមមកចូលរួមដែរ៕
បកប្រែដោយ Thuy Anh