នាយករដ្ឋមន្ត្រីវៀតណាមលោក Nguyen Xuan Phuc ទទួលជួបនាយករដ្ឋមន្ត្រីកម្ពុជា សម្តេចតេជោ ហ៊ុន សែន
កប.អនឡាញ - នាព្រឹកថ្ងៃទី១៣ ខែកញ្ញា នៅទីស្នាក់ការរដ្ឋាភិបាល លោកនាយករដ្ឋមន្ត្រី Nguyen Xuan Phuc បានទទួលជួបសម្តេចតេជោ ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា។
នៅក្នុងជំនួប នាយករដ្ឋមន្រ្តីទាំងពីរបានឯកភាពគ្នាថា នឹងបន្តពង្រឹងកិច្ចសហប្រតិបត្តិការ ជាពិសេសលើវិស័យសេដ្ឋកិច្ច និងពាណិជ្ជកម្ម ហើយនិងចុះហត្ថលេខាលើកិច្ចព្រមព្រៀងស្តីពីសេដ្ឋកិច្ច ពាណិជ្ជកម្មតាមតំបន់ព្រំដែនវៀតណាម - កម្ពុជានាពេលឆាប់ៗខាងមុខនេះ។ នាយករដ្ឋមន្ត្រីទាំងពីរក៏បានវាយតំលៃខ្ពស់ចំពោះកិច្ចខិតខំប្រឹងប្រែងរបស់ភាគីទាំងពីរក្នុងការអនុវត្តការងារខណ្ឌសីមា និងបោះបង្គោលព្រំដែននាពេលកន្លងមក ហើយឯកភាពថា នឹងបញ្ជាឲ្យគណៈកម្មាធិការចម្រុះខណ្ឌសីមា និងបោះបង្គោលព្រំដែននៃប្រទេសទាំងពីរបង្កើនការជួបជុំ ផ្លាស់ប្តូរ ដើម្បីដោះស្រាយរាល់ឧបសគ្គ ពន្លឿនការអនុវត្តដើម្បីឱ្យការងារដ៏សំខាន់មួយនេះអាចសមេ្រចបាននាពេលឆាប់ៗខាងមុខនេះ។
|
|
លោកនាយករដ្ឋមន្ត្រី Nguyen Xuan Phuc ទទួលជួបសម្តេចតេជោ ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា (រូបថត៖ vnanet.vn) |
លោកនាយករដ្ឋមន្រ្តី Nguyen Xuan Phuc បានវាយតំលៃខ្ពស់ចំពោះកិច្ចខិតខំប្រឹងប្រែងរបស់អាជ្ញាធរមានសមត្ថកិច្ចនៃប្រទេសទាំងពីរក្នុងការដោះស្រាយឯកសារច្បាប់សម្រាប់ជនជាតិវៀតណាមនៅប្រទេសកម្ពុជា។ លោកនាយករដ្ឋមន្រ្តី Nguyen Xuan Phuc បានស្នើឲ្យភាគីកម្ពុជាបន្តយកចិត្តទុកដាក់ជួយសម្រួលឲ្យជនជាតិវៀតណាមដែលកំពុងរស់នៅប្រទេសកម្ពុជា មានជីវភាពរស់នៅប្រកបដោយស្ថិរភាព រួមចំណែកយ៉ាងសកម្មក្នុងការអភិវឌ្ឍន៍របស់ព្រះរាជាណាចក្រកម្ពុជា និងពង្រីកទំនាក់ទំនងរវាងប្រទេសទាំងពីរ៕
បកប្រែដោយ Thanh Cong